فراه کې د اینجې کر د اوبو د کمښت او مخدره کښت پر وړاندې بدیله پروژه
د فراه د کرنې، اوبولګولو او مالدارۍ ریاست لهخوا د کرنې وزارت د پراختیايي بودیجې په ملاتړ، د یاد ولایت په یوه جریب ځمکه کې د اینجې د کرلو لړۍ پیل شوه. دا لړۍ د یاد ریاست د رییس الحاج مولوي پیرمحمد حلیمي لهخوا رسماً افتتاح شوه.
د پروژې له مخې، له یادې ساحې څخه به شاوخوا ۱۲۶ زره د اینجې بوټي تر لاسه شي.
د فراه د کرنې ریاست چارواکي وایي، د دې پروګرام موخه د اینجې د بوټو د کرلو دودول، د اوبو د کمښت پر وړاندې د مقاومو نباتاتو ترویج، د مخدره توکو د کرکیلې پر وړاندې یو مناسب بدیل برابرول، او د بزګرانو د اقتصادي وضعیت پیاوړتیا ده.
