غزني او کندهار کې د الوبخاراوو د تولید کچه لوړه شوې

mail-admin
شنبه ۱۳۹۹/۹/۲۹ - ۱۱:۴۴
غزني او کندهار کې د الوبخاراوو د تولید کچه لوړه شوې


دهقان (بزګر) اوونیزه / نورالله پتمن
د غزني او کندهار د کرنې، اوبولګولو او مالدارۍ ریاستونو چارواکي وايي، چې د یادو ولایتونو د الوبخاراوو د حاصلاتو کچه د نورو کلونو په پرتله د پام وړ زیات شوي دي.
د یادو ولایتونو د کرنې ریاست چارواکي وایي، چې په دغه ولایتونو کې په زرګونه هکټار ځمکه کې د الوبخاراوو ونې اېښودل شوي دي، چې هرکال ترې زرګونه ټنه الوبخارا تر لاسه کیږي.
د غزنې د کرنې ریاست وايي، چې د غزنې په ولایت کې د الوبخاراوو څلور ډولونه کرل شوي دي، چې تر ټولو نوموتي هغه یې «دل ګنجشک» دی او نړیوال بازار لري. د هغه په خبره، د غزني الوبخارا له هېواده بهر هند، پاکستان، متحده عربي امارات، انګلستان، امریکا او کانادا ته هم صادریږي.
د کرنې اوبو لګولو او مالدارۍ وزارت د احصایې ریاست د ۱۳۹۸یم کال د شمېرو له مخې د افغانستان په یو زرو ۱۴۴ هکټاره ځمکه د الوبخاراوو بڼونه جوړ شوي، چې د تولید کچه یې څه باندې اته زره او ۷۹۰ ټنو ته رسیږي.
د چارواکو په خبره د الوبخاراوو د ډېرښت لاملونه د نویو بڼونو جوړښت او حاصل ته راسېدل، روزنیزې برنامې په لاره اچول، د اړوندو توکو وېش او بڼوالو سره د کرنې ادارې دوامداره همکارۍ دي.
الوبخارا د کابل، غزني، لوګر، پروان، ارزګان، کندهار، زابل او میدان وردګو په ولایتونو کې تولیدیږي. کندهار، غزني، کابل، فاریاب او ارزګان د الوبخارا له لویو تولیدونکو ولایتونو څخه شمېرل کیږي، چې هر کال له یادو ولایتونو څخه په زرګونه مټریک ټنه الوبخارا راټول او بازار ته وړاندې کیږي.

تازه ترین اخبار

شنبه ۱۴۰۵/۸/۳۰ - ۱۶:۱۳
Background image

ننګرهار کې ۱۰۰ تنو د ستروسو او سبو پروسس کوونکو ته د ۲.۶ میلیونه افغانیو په ارزښت وسایل ووېشل شول

۳۰ لړم ۱۴۰۵ هـ.ش
۱۰ جُمَادَى الثانی ۱۴۴۸ هـ.ق
د ننګرهار ولایت د کرنې، اوبو لګولو او مالدارۍ ریاست په هڅو، د «ډاکار» مؤسسې په تخنیکي همکارۍ او د ملګرو ملتونو د نشه‌یي توکو او جرمونو سره. . .

چهارشنبه ۱۴۰۵/۸/۶ - ۱۱:۵
Background image

نورستان کې سلګونو اړمنو بزګرانو ته د اصلاح شویو تخمونو او کیمیاوي سرو د وېش لړۍ پیل شوه

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د نورستان ولایت د کرنې، اوبو لګولو او مالدارۍ ریاست په همغږۍ، د خوړو او کرنې نړۍوالې ادارې «اف‌اې‌او» په مالي ملاتړ او د «اې‌وای‌اس‌او» مؤسسې. . .

چهارشنبه ۱۴۰۵/۸/۶ - ۹:۳۰
Background image

ننګرهار کې د غنمو ننداریزو کروندو لپاره اصلاح شوي تخمونه او کیمیاوي سرې ووېشل شوې

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د ننګرهار د کرنې، اوبو لګولو او مالدارۍ ریاست په تخنیکي همکارۍ او د کرنې وزارت په مالي ملاتړ، د دغه ولایت په اوو ولسوالیو کې د غنمو ننداریزو. . .

بازگشت