راتلونکې برنامې باید په خورا اغېزمنتوب پلي شي
۳۰ وږی ۱۳۹۹
دکرنې، اوبولګولو او مالدارۍ وزارت سرپرست او نوماند وزیر ډاکټر انوارالحق احدي؛ نن د اوبولګولو او طبیعي سرچینو معینیت ته ولاړ او ددې معینیت د تشکیل، فعالیتونو او کاري پلانونو په هکله معلومات تر لاسه کړه.
د کرنې، اوبولګولو او مالدارۍ وزارت د اوبولګولو او طبیعي سرچینو مرستیال حشمتالله غفوري د یوې پرزنټیشن په وړاندې کولو سره د تشکیل، روانې چارې او فعالیتونو، لاسته راوړنې، لرلېد او د طبیعي سرچینو، ځنګلونو، اوبولګولو او څړځایونو په برخه کې اړین مالومات وړاندې کړل.
دغه راز د طبیعي سرچینو او د اوبولګولو او زېربنا ریاستونه د خپلو کاري وضعیت له ډلې پلان شوي کارونه، تر سره شوي کارونه او روانې چارې په هکله معلومات وړاندې کړل.
په پای کې د کرنې وزارت سرپرست او نوماند وزیر انوارالحق احدي، د اوبولګولو او طبیعي سرچینو د بنسټيزو پروژو په هکله د لارښوونیزو نظریاتو په وړاندې کولوسره وویل، راتلونکې برنامې او فعالیتونه باید داسې پلي شي، چې زیات اغېزمنتوب ولري.
