د کندهار معروف کې ۱۰ باب د انګورو ټرایلس بڼونه اړمنو بزګرانو ته ووېشل شول
۱ مرغومې ۱۴۰۴ه.ش
۱ رَجَب المُرَجَّب ۱۴۴۷ه.ق
د کندهار د کرنې، اوبو لګولو او مالدارۍ ریاست په هڅو، د اروپایي ټولنې په مالي ملاتړ، د سولې بنسټ مؤسسې (آر.او.پي) په تخنیکي همکارۍ او د کرنیزو چارو آمریت تر څارنې لاندې، په معروف ولسوالی کې ۱۰ باب د انګورو ټرایلس ډوله بڼونه جوړ او اړمنو بزګرانو ته وسپارل شول. د دې پروژې موخه د ټرایلس سیستم له لارې د انګورو بڼونو پراختیا او د حاصلاتو زیاتوالي دی.
د مسؤلینو په وینا، یاد ۱۰ بڼونه په معیاري طریقه او لوړ کیفیت سره د ولسوالی اړمنو بزګرانو لپاره جوړ شوي دي، چې د هر بڼ لپاره یو جریب ځمکه کارول شوې ده. هغوی زیاتوي چې بڼوالو ته د بڼونو ترڅنګ اړوند تخنیکي همکارۍ، لازم وسایل او معیاري لارښوونې هم ورکړل شوي دي، ترڅو بڼونه په سمه او مؤثره توګه مدیریت کړي.
د یادونې وړ ده، چې له دې مخکي د کندهار د کرنې ریاست په هڅه او سولي بنسټ مؤسسې په تخنیکي همکاري د کندهار په میوند او نېش ولسوالیو کې هم ۷ باب ورته بڼونه اړمنو بزګرانو ته د انګورو حاصل لوړولو په موخه سپارل شوې وې.
