د کرنې وزیر د نړیوال بانک له چارواکو سره د «امید» پر پروژې خبرې اترې وکړې

content_admin
پنجشنبه ۱۳۹۸/۹/۲۱ - ۱۵:۲۷
د کرنې وزیر د نړیوال بانک له چارواکو سره د «امید» پر پروژې خبرې اترې وکړې

۲۱لیندۍ ۱۳۹۸

دکرنې، اوبولګولو او مالدارۍ وزیر نصیر احمد درانی نن دخپل کار په دفتر کې، په افغانستان کې د نړیوال بانک له چارواکو سره د «امید» د پروژې د طرحې او ډيزاین پر بشپړېدو خبرې اترې وکړې.

«امید» دکرنې، اوبولګولو او مالدارۍ وزارت او د سوداګرۍ او صنایعو وزارت یوه ګډه پروژه ده. ټاکل شوې، چې ددې پروژې له لارې به د راتلونکو اوو کلونو په ترڅ کې په کابل، هرات، کندهار، بلخ او خوست ولایتونو کې پنځه کرنیز او صنعتي لوی پارکونه جوړ شي. ددې پروژې طرح د کرنې او د سوداګرۍ او صنایعو وزارتونو د ګډ تخنیکي ټیم له خوا چمتو او نړیوال بانک ته لېږل شوې ده. په افغانستان کې د نړیوال بانک چارواکي د کرنې وزیر سره په لیدنه کې له دې طرحې خوښې وښودل.

ټاکل شوې، چې د راتلونکی کال تر پایه د کابل ولایت د باریک اب په ولسوالۍ کې د یو لوی کرنیز صنعتي پارک د جوړولو چارې پیل شي. دغه جوړېدونکي کرنیز صنعتي پارکونه په څو پړاوونو کې جوړیږي. د یادو پارکونو په جوړېدو سره به د افغانستان د کرنیزو محصولاتو د پروسس او بسته بندی شته ستونزې هوارې شي. ټول کرنیز توکي به په همدغو پارکونو کې پروسس او بسته بندي کیږي.

د یادو پارکونو جوړول د کرنیزو محصولاتو د صادراتو د کچې لوړول او د کرنې په برخه کې د لا ډېرې پانګونې د جلبولو په برخه کې هم مرسته کوي.

 
 

تازه ترین اخبار

شنبه ۱۴۰۴/۵/۱۱ - ۱۵:۱۹
Background image

د خوست جوار سل څېړنیز فارم کې پر بېلابېلو بوټو څېړنې روانې دي

۱۱ زمری ۱۴۰۴ هـ.ش
۸ صَفَر المُظَفَّر ۱۴۴۷ هـ.ق
د خوست دکرنې، اوبولګولو او مالدارۍ ریاست چارواکي وايي، چې ددې ولایت دکرنې ریاست اړوندو فارمونو کې پر بېلابېلو بوټو څېړنې روانې دي، ترڅو. . .

شنبه ۱۴۰۴/۵/۱۱ - ۱۵:۱۷
Background image

د کندهار څلورو ولسوالیو کې لسګونو بڼوالو ته د روزنې ترڅنګ ورته اړین توکي ووېشل شول

۱۱ زمری ۱۴۰۴ هـ.ش
۸ صَفَر المُظَفَّر ۱۴۴۷ هـ.ق
د کندهار دکرنې، اوبو لګولو او مالدارۍ ریاست په هڅه، د ملګرو ملتونو د نشه یې توکو او جرمنو پر وړاندې د مبارزې ادارې (یو.ان.او.ډي.سي) په. . .

شنبه ۱۴۰۴/۵/۱۱ - ۱۲:۴۵
Background image

د کندهار سپین بولدک کې د سلګونه پسونو د قاچاق مخه ونیول شوه

۱۱ زمری ۱۴۰۴ هـ.ش
۸ صَفَر المُظَفَّر ۱۴۴۷ هـ.ق
د کندهار د کرنې، اوبو لګولو او مالدارۍ ریاست په مشرۍ، د سپین بولدک ولسوالۍ د کرنې، مالدارۍ او امنیتي ادارو په ګډو هڅو، د څارویو د قاچاق د. . .

بازگشت