د پکتیکا برمل ولسوالی کې یوشمېر بزګران وروزل شول
۹ سلواغه ۱۴۰۳ه.ش
۲۸ رَجَب المُرَجَّب ۱۴۴۶ه.ق
د پکتیکا د کرنې، اوبولګولو او مالدارۍ ریاست د ناورې کمېټې په مالي او د کلیو د بیارغونې مؤسسې په تخنیکي همکارۍ ددې ولایت د برمل ولسوالی یوشمېر کروندګرو ته روزنه ورکړل شوه.
په یادو ولسوالیو کې بزګرانو ته غنمو کرلو څخه تر حاصل اخیستو پورې په مختلفو لارو چارو لکه کرنه، اوبولګول، ناروغیو کنترول او رفعه حاصل باندې عملي کرنیزو عملیو، حاصل ټولولو او افاتو د هراړخیز کنټرول په موخه روزنه ورکړل شوه .
د پکتیکا د کرنې، اوبولګولو او مالدارۍ ریاست هڅه کوي، چې د خپلو متخصصینو پر مټ بزګرانو او بڼوالو ته د ناروغیو او افاتو په اړه پر وخت معلومات وړاندې ترڅو د ناروغیو مخنیوي وشي او بزګران له زیانونو خلاص شي.
