د پکتیا ځاځياریوب ولسوالی سپینې شګې سیمې څخه د اختر درېیو ورځو کې شاوخوا ٣۵٠ زره سیلانیانو لیدنه کړې
۲۱ غبرګولی ۱۴۰۴ ه.ش
۱۴ ذُو الحِجَّةِ ۱۴۴۶ه.ق
د پکتیا د کرنې، اوبو لګولو او مالدارۍ ریاست چارواکي وایي، چې د ځاځياریوب ولسوالی سپينې شګې تفريحي سیمې ته د لوی اختر لومړۍ ورځې څخه تر دې مهاله "دریمې ورځې" پورې شاوخوا ٣۵٠ زره سیلانیانو د تفریح لپاره لیدنه کړې دی، او همدارنګه ۱۳ زره موتر ورغلی دی.
د ولایت په کچه ګډی کمیټی غړو او د شرکت مسؤلینو په خبره په یاده سیمه کې د سیلانیانو لپاره تر دوه زره خېمې، د ناستې غرفې، برښنا، اوبو سیستم، هوټلونه، کافي شاپونه، د موټرو لپاره تم ځای او بېلابېلې اسانتیاوې برابرې شوې دي.
دا لومړۍ ځل دی، چې په دغه شمېر سیلانیان دغې تفریحي سیمې ته ورغلي دي، په تېرو اخترو کې سپینې شګې ته شاوخوا تر ١٠٠ زرو پورې سیلانیان ورغلي و.
