د پکتیا ولایت د غصب مخنیوي او غصب شویو ځمکو د تشخیص او تثبیت پلاوي غونډه دائره شوه
د پکتیا ولایت د غصب مخنیوي او غصب شویو ځمکو د تشخیص او تثبیت تخنیکي پلاوي ددې ولایت والي حاجي دعوت په مشرۍ غونډه تر سره کړه.
یاده غونډه کې د پکتیا ولایت د غصب د مخنیوي او غصب شویو ځمکو د تشخیص او تثبیت تخنیکي پلاوی رییس او غړو ګډون درلود، چې د پکتیا په ولایت کې د غصب شویو ځمکو د مخنيوي په اړه معلومات د ناستې برخوالو ته وړاندې کړل.
د پکتیا ولایت د کرنې، او مالدارۍ رییس مولوي عبدالرؤف سعید چې د ياد کمېسيون مشري هم پۀ غاړه لري د نورو په استازیتوب خبرې وکړې او ويې ویل په دې ولایت کې د غصب ډیرې قضيې شتون لري، چې له د قیقې څیړڼې او برسۍ وروسته په ۷۰۰ زره جریبه ځمکه د موظف کمېسون له لوري کار او تصرف درول شوی دی، چې په یاده برخه کې د ولایت مقام او مرکزي ادارې لارښوونو ته په تمه دي.
په همدې حال کې د پکتیا والي حاجي دعوت د غصب د مخنیوي او د غصب شویو ځمکو د استرداد په اړه د عالیقدر امیرالمؤمنین حفظه الله د فرمانونو، او د هغو د تطبیق په څرنګوالي بحث او خبرې وکړې او د ځمکو د غصب د مخنیوي کمېسیون غړو ته يې د ولایت مقام له لوري د هر ډول همکاریو ډاډ ورکړ او د کارونو د لا ښه والي په برخه کې یې لازمې سپارښتنې وکړې.
