د ننګرهار کانال کې د ونو د ناروغیو مخنیوی په پار هڅې
۱۷ غبرګولی ۱۴۰۲ه.ش
۱۸ ذو القعدة ۱۴۴۴ ه.ق
د ننګرهار کانال ریاست چارواکي وایي، چې ددې ریاست اړوند د درېيم فارم په سترې قوريه کې دوا شېندنه ترسره شوه .
د ننګرهار کانال شرکت د درېيم فارم قوريه چې په شاوخوا 133 جريبه ځمکه جوړه ده ، په کې بېلابېل ډوله د نيالګيو قلمي، زيتون بوټي، ستروس او نورې ونې شتون لري.
دننګرهار کانال شرکت د بوټي ساتني امريت مسلكي کسانو دغه دوا شيندنه ترسره کوله، په وينا يې ياده دوا شېندنه د ګرمۍ په روان فصل کې هره مياشت د ناروغیو او افاتو مخنيوي په موخه ترسره کېږي، چې ورسره به په ياده قوريه کې شته بوټي او قلمې له ناروغیو څخه په امن وي.
