د ننګرهار کانال ریاست دویم فارم کې محافظتي پولې جوړولو چارې پیل شوې
د ننګرهار کانال ریاست چارواکي وايي، چې ددې ریاست اړوند دویم فارم کې د نږدې شپږ میلیونه افغانیو په لګښت محافظتي پولې جوړولو چارې پیل شوي دي.
د چارواکو په خبره ددې پولې اوږدوالی درې زره متره ده، چې په بشپړېدو سره به یې سلګونه جریبه ځمکه د سېلابونو له ګواښ او تخریب څخه خوندي شي او ډېر شمېر ځمکه به ورسره جوړه او خړوبه شي.
دا محافظوي پوله دوه کرنیز شرکتونه هر یو یحي خېل او رغبت الله مومند په ګډه جوړوي او د پلان سره سم به پرې دمالټې بڼونه او نور کرنیز فصلونه وکرل شي.
