د ننګرهار روداتو ولسوالۍ کې ۱۵ شنې خونې جوړ او ګټې اخیستنې ته وسپارل شول

mail-admin
پنجشنبه ۱۳۹۹/۱۰/۱۱ - ۱۱:۲۱
د ننګرهار روداتو ولسوالۍ کې ۱۵  شنې خونې جوړ او ګټې اخیستنې ته وسپارل شول

۱۱مرغومې ۱۳۹۹
د کرنې، اوبولګولو او مالدارۍ وزارت له خوا د ننګرهار د روداتو په ولسوالۍ کې د لوړ ارزښت لرونکو کرنیزو محصولاتو د دودولو او د کوکنارو د کرکېلي او تولید د مخنیوي په پار ۱۵ شنې خونې جوړ او ګټې اخیستنې ته وسپارل شول.
په دې اړه په جوړه شوې غونډه کې د ولسمشر سلاکار او د ننګرهار والي ضياءالحق امرخېل، د کرنې رییس انعام الله صاپی او ددې ولایت یوشمېر سیمه ییزو چارواکو شتون درلود.
د ننګرهار والي ضياءالحق امرخېل وويل، د کرنې وزارت د کرنې د ودې او کلیوالي پراختیا پروژې له لارې په دې ولایت کې د ۴۵۰ شنوخونو د جوړولو چارې پیل شوي دي، چې له دې ډلې تر دې دمه  ۱۵۰شنې خونې جوړې شوي او د پاتو هغو رغنیزې چارې ۳۰ سلنه بشپړ شوي دي.
په همدې حال کې دننګرهار د کرنې رییس انعام الله صاپی وایي، چې د روداتو په ولسوالۍ کې د ۸.۲ میلیونه افغانیو په لګښت ۱۵ شنې خونې، چې هر یوه یې ۳۰۱ مترمربع پراخوالی لري جوړ او ګټې اخیستنې ته سپارل شوي دي.
ښاغلی ساپی وایي،  چې په هره شنه خونه ۵۸۰  زره افغانۍ لګښت راغلی، چې په ګټې اخيستنې سره به يې دسبو د حاصلاتو په ساتنه او د دې ولايت خلکو ته په مناسب قيمت وړاندې کولو کې مرسته وکړي.
په كرنيز سيسټم كې له شنو خونو څخه لاسته راغلي حاصلات ګټور، خوندور او په بازار كې هم ډېره ګټه د کروندګرو په برخه کوي.
د کرنې وزارت له خوا دغه شنې خونې په هرموسم کې د تازه سبو د تولید او په لویه کچه د خوړو خوندیتوب او په مېندو او ماشومانو کې د خوارځواکی د مخنیوي په موخه جوړې شوي دي. دغه شنې خونې کورنیو ته دا زمینه هم برابروي، چې د خپلو سبو د پلور له لارې ښه عواید تر لاسه کړي.

تازه ترین اخبار

سه‌شنبه ۱۴۰۴/۵/۱۴ - ۱۵:۵۶
Background image

د کرنې وزیر د اسلامي همکاریو سازمان له مرستیال سره وکتل

۱۴ زمری ۱۴۰۴ هـ.ش
۱۱ صَفَر المُظَفَّر ۱۴۴۷ هـ.ق
د کرنې، اوبو لګولو او مالدارۍ وزیر مولوي عطاءالله عمري، د خپل کار په دفتر کې د اسلامي همکاریو سازمان له مرستیال خلیل ابراهیم اوکر سره. . .

سه‌شنبه ۱۴۰۴/۵/۱۴ - ۱۳:۳۸
Background image

پکتیا کې ۱۲۵ تنو مالدارانو  سره د مالدارۍ توکو مرسته وشوه

۱۴ زمری ۱۴۰۴ هـ.ش
۱۱ صَفَر المُظَفَّر ۱۴۴۷ هـ.ق
د پکتیا د کرنې، اوبو لګولو او مالدارۍ ریاست له خوا د اړیکو دفتر مؤسسې  په مرسته د دې ولایت د روحانی بابا ولسوالی کې پر ۱۲۵ تنو مالدارانو. . .

سه‌شنبه ۱۴۰۴/۵/۱۴ - ۱۳:۳۸
Background image

کندهار کې د ۷ ټنه بي کیفیته تورې کیمیاوي سرې د پلور مخه ونیول شوه

۱۴ زمری ۱۴۰۴ هـ.ش
۱۱ صَفَر المُظَفَّر ۱۴۴۷ هـ.ق
د کندهار د کرنې، اوبو لګولو او مالدارۍ ریاست د کرنیزو چارو آمریت د معلوماتو له مخې په کندهار کې د ۷ ټنه بي کیفیته تورې کیمیاوي (ډي.ای. پي. . .

بازگشت