د ننګرهار د هندواڼو سږني حاصلات به څه باندې ۷۹ زره ټنو ته ورسېږي

mail-admin
چهارشنبه ۱۴۰۰/۲/۲۹ - ۱۰:۱۰
د ننګرهار د هندواڼو سږني حاصلات به څه باندې ۷۹ زره ټنو ته ورسېږي

۲۹ غویی ۱۴۰۰
د ننګرهار د کرنې، اوبولګولو او مالدارۍ ریاست وایي، چې په دې ولایت کې د پخوا په پرتله خلک د هندواڼو کرکېلي ته لېوال شوي، چې ورسره په دې ولایت کې د هندواڼو کروندې او حاصلات کال په کال زیاتېږي.
د چارواکو په خبره د ننګرهار د اتو ولسوالیو «کامه، بهسود، کوزکونړ، کوټ، بټي کوټ، ګوشته، خوږیاڼي او سره رود» په ۱۹۹۵ هکټاره ځمکه کې سږکال هندواڼې کرل شوي، چې د اټکل له مخې به ۷۹ زره او ۲۰۱ مټریک حاصلات ترې تر لاسه شي.
دا په داسې حال کې ده، چې تېرکال ددې ولایت په ۱۸۴۰ هکټاره ځمکه هندواڼې کرل شوې وې، چې ۷۳ زره او ۶۰۰ ټنه هندواڼې ترې راټول شوې وه.
دننګرهار د کرنې ریاست ددې ولایت د هندواڼو سږنۍ حاصلات د تېرو کلونو په پرتله ښه بولي او وایي، چې بزګرانو سره د کرنې وزارت همکارۍ، په عصري بڼه کرکېله، غوره تخم انتخاب او د طبیعي افتونو نشتون ددې لامل شوي، چې د هندواڼو حاصلات زیات شي.
په ننګرهار کې د سیمه ییزو ډولونو سربېره د هندواڼو د «رېنا، ایکسټریم، فونکس، پتاسه او ګلوري ډولونه» هم کرل شوې، چې هر جریب څخه یې ١١ سوه منه حاصللاسته راځي.
ننګرهار د هندواڼو کرکېلي او ودې لپاره مناسب اقلیم لري؛ په همدې موخه ددې ولایت ډېری بزګران هندواڼو کرکېلي ته زړه ښه کوي.
د ننګرهار ولایت د هندواڼو حاصلات په مناسب موسم کې بازار ته وړاندې کېږي او د پلور ښه فرصت لري.

تازه ترین اخبار

یکشنبه ۱۴۰۴/۶/۲ - ۱۲:۵
Background image

د کرنې وزارت د رئیسانو د همغږۍ د سمینار دویمه ورځ پیل شو

۲  وږی ۱۴۰۴ هـ.ش
۳۰ صَفَر المُظَفَّر ۱۴۴۷ هـ.ق 
د کرنې، اوبولګولو او مالدارۍ وزارت د مرکزي او ولایتي رئیسانو د همغږۍ د سمینار دویمه ورځ د کرنې وزارت د کرنې او مالدارۍ مرستیال مولوي. . .

یکشنبه ۱۴۰۴/۶/۲ - ۱۱:۱۴
Background image

د کونړ دوو ولسوالیو کې پر سلګونو بېوزلو کورنیو وزې وېشل کېږي  

۲ وږی ۱۴۰۴ هـ.ش
۳۰ صَفَر المُظَفَّر ۱۴۴۷ هـ.ق 
د کونړ ولایت د کرنې، اوبولګولو او مالدارۍ ریاست د «انوولوس» مؤسسې په همکارۍ ددې ولایت د منورې او شلتن په ولسوالیو کې پر ۵۰۰ بېوزلو کورنیو. . .

یکشنبه ۱۴۰۴/۶/۲ - ۱۰:۰
Background image

هلمند کې یوشمېر بزګران وروزل شول

۲ وږی ۱۴۰۴ هـ.ش
۳۰ صَفَر المُظَفَّر ۱۴۴۷ هـ.ق
د هلمند ولایت د کرنې، اوبولګولو او مالدارۍ ریاست د کرنیزو چارو امریت اړوند د بوټو ساتنې او قرنطین عمومي مدیریت مسلکي کارکوونکو د عینک د. . .

بازگشت