۲ تله ۱۳۹۹

د کرنې، اوبولګولو او مالدارۍ وزارت د اوبولګولو او طبیعي سرچینو مرستیال حشمت الله غفوري په مشری د امریکا متحد ایالاتو نړیوالې پراختیایي ادارې «USAID»، د ‏«SWIM»‏ پروژې او قراردادي شرکت له چارواکو سره د خوش‌تپې کانال د سربند د پروژې د دویم پړاو د ارزونې او ششنې غونډه وشوه.

په دې غونډه کې وویل شوه، چې ټاکل شوې د روان کال د نوامبر په لومړی نېټه د کندز په ولایت کې د امو سیند په مسیر کې د خوش تپې کانال د سربند د سیمي څېړنه پیل شي. په دې څېړنه کې به روښانه شي، چې سربند د امو دسیند په کومه برخه کې په پام کې ونیول شي.

د خوش‌تپې د اوبولګولو د پروژې اوبه د امو له سینده تامنیږي، چې د کندز له ولایت څخه پیل او د فاریاب په ولایت کې پای ته رسیږي. ددې پروژې په پلي کولو سره څه باندې ۵۰۰ زره هکټاره نوي ځمکې د خړوبولو تر پوښښ لاندې راځي. د یادې پروژې د لومړي پړاو څېړنې بشپړ شوي دي او د ۲۰۲۱ ام کال په لړ کې به نور پړاوونه یې هم بشپړشي.

په دې غونډه کې د کرنې وزارت د اوبولګولو او طبیعي سرچینو مرستیال د خوش‌تپې د پروژې د دویم پړام د شونتیا سنجولو د ماطالعاتو په برخه کې د «‏USAID»‏ ادارې او «‏SWIM»‏» پروژې له همکاریو مننه وکړه.

دغه راز په دې غونډه کې د خوش‌تپې پروژې د سربند په اوږدو کې د بلخ ولایت د کلدار سیمې تر ۸۰ کیلومتری چې د خوش‌تپې د پروژې کابو ۳۰ سلنه جوړوي د شونتیا سنجولو په هکله هم خبرې اترې وشوې. د SWIM»‏» پروژه پاتې سیمې له خوش‌تپې د کلدار ترسیمې چې ۸۰ کیلو متره اټکل کیږي، د لایحې شرایط «ToR»، د شونتیا سنجولو اسانتیاوې او د اړتیا وړ بودیجه تخمین او محاسبه کوي.