د جمهوري ریاست د چارو ادارې د کابینې د چارو د هغږۍ ریاست سره د کرنې، اوبولګولو او مالدارۍ وزارت د همغږۍ غونډه
۱۳مرغومې ۱۳۹۹
د کرنې، اوبولګولو اومالدارۍ وزیر ډاکټر انوارالحق احدي، دخپل کار په دفتر کې د جمهوري ریاست د چارو ادارې ریاست د کابینې د چارو د همغږۍ رییس وحید حلیمیار او اړوندو کارپوهانو سره وکتل. دوی په دې غونډه کې، چې د کرنې وزارت د مقام په دفتر کې په لاره اچول شوې وه، د کابینې د غونډو د تویر پر مکانیسم او د کابینې په غونډو کې د ګډون په پار د سندونو د لېږد پر څرنګوالي اودغه راز د افغانستان اسلامي جمهوریت د کابینې د مصوباتو له تحقق څخه د راپور ورکولو د لړۍ د چټکتیا په موخه مفصلې خبرې اترې وکړې.
د کرنې، اوبولګولو او مالدارۍ وزیر ډاکټر انوارالحق احدي په دې غونډ کې وویل، چې د کابینې د پرېکړو عملي کول او پلي کول د کرنې وزارت له لومړیتوبونو څخه دی او یاد وزارت دغه پرېکړې په بېړه عملي کوي.
ښاغلی احدي دغه راز وویل، چې د کرنې وزارت تر دې دمه د کابینې د مصوباتو د تحقق په برخه کې ښه عمل کړئ دی.
