د تېرې ورځې د شهیدانو د فاتحې په مراسمو کې د کرنې وزارت سرپرست: پرونۍ پېښه، ملي غمیزه وه

mail-admin
سه‌شنبه ۱۳۹۹/۸/۱۳ - ۱۳:۴۴
سرپرست وزارت زراعت در مراسم دعاخوانی به شهدای دیروز: حادثه‌ی دیروز، تراژیدی ملی بود


۱۳ لړم ۱۳۹۹
د کرنې وزارت کارکوونکو د کابل پوهنتون د تېرې ورځې خونړي برید د شهېدانو لپاره د فاتحې مراسم په ځای کړل.
د کرنې وزارت مشرتابه او کارکوونکي، دیاد وزارت د پلان په تالار کې د کابل پوهنتون د شهید شویو استادانو او زده کړیالانو روح ته د دعا لاسونه لپه کړل، د شهیدانو روح ته یې دعا وکړه او هغوی ته یې د لوی خدای (ج) په دربار کې د فردوس جنت هیله وکړه.
د قران کریم له تلاوت او د ګډونوالو له دعا وروسته د کرنې وزارت سرپرست او نوماند وزیر ډاکټر انوارالحق احدي په خپلو خبرو کې وویل: «پرونۍ پېښه، بده پېښه وه، دا ترورستي کار، لوی جنایت دی، دا پېښه په هيڅ ټکو محکوم او تقبیح کولای نه شو، باید ددې پېښې پر وړاندې په یووالي مقاومت وکړو.»
د ښاغلي احدي په خبره، د ورته پېښو پر وړاندې باید حکومت او خلک ودریږي، ځکه له مقاومت پرته بله لار نشته.
د کرنې وزارت سرپرست وویل: «سره له دې چې داسې پيښې دردوونکي دي، خو باید مقاومت وکړو، څو ورځې وړاندې د کوثر د روزنیز مرکز پېښه او پرونۍ پېښه، ترورستي پېښې دي، باید د داسې پېښو پر وړاندې مقاومت وکړو، تسلیمېدل د حل لار نه ده، هغو کورنیو ته چې په دې پېښه کې یې خپل د کورنۍ ګران غړي له لاسه ورکړي دي، تسلیت وایم، او ورته د صبر او استقامت هیله کوم، دغه راز ددې تروریستي پېښې ټپیانو ته عاجله شفا غواړم.»
ښاغلی احدي وویل، هیله لرم، چې خلک د خپلو حقونو په حفظ سره ژوند ولري او د انسانیت په اډانه کې ژوند وکړي، نه د وحشت په اډانه کې.»

 

تازه ترین اخبار

چهارشنبه ۱۴۰۴/۴/۱۸ - ۱۲:۰
Background image

لوګر کې د شېدو راټولولو او پروسس مرکزونو له روانو چارو څخه څارنه وشوه

۱۸ چنګاښ ۱۴۰۴ ه‍.ش
۱۳ مُحَرَّمُ الحَرام ۱۴۴۷ه‍.ق
د لوګر ولايت دکرنې، اوبولګولو او مالدارۍ رییس مولوی شیرآقا پیرحبیب الرحمن په داسې حال کې، چې د څارویو د روغتیا آمر داکتر خانشرین خسروي. . .

چهارشنبه ۱۴۰۴/۴/۱۸ - ۱۱:۵۹
Background image

د ننګرهار وادي کرنیز شرکت د محافظوي پولې رغنیزې چارې بشپړې شوې

۱۸ چنګاښ ۱۴۰۴ ه‍.ش
۱۳ مُحَرَّمُ الحَرام ۱۴۴۷ه‍.ق
د ننګرهار وادي کرنیز شرکت چارواکي وایي، چې د ورستیو اورښتونو، سېلابونو او زیاتو اوبو راوتو له امله د ننګرهار وادي کرنيز ا شرکت د «۲۳. . .

چهارشنبه ۱۴۰۴/۴/۱۸ - ۱۱:۵۲
Background image

پکتیکا کې حیواني او نباتي درمل پلورونکو سره غونډه وشوه

۱۸ چنګاښ ۱۴۰۴ ه‍.ش
۱۳ مُحَرَّمُ الحَرام ۱۴۴۷ه‍.ق
د پکتیکا د کرنې، اوبولګولو او مالدارۍ ریاست د ترویج اړوند د بوټوساتنې او قرنطین په عمومي مدیریت کې د حیواني او نباتي درملو پلورنکو سره. . .

بازگشت