د بامیانو پر یوشمېر مېرمنو د کورنیو چرګانو د روزنې فارمونو وېش پیل شو
۴ زمری ۱۳۹۸
د کرنې، اوبولګولو او مالدارۍ وزیر نصیر احمد درانی بامیان ولایت ته د خپل سفر په ترڅ کې، ددې ولایت پر زرو بېوزلو مېرمنو د کورنیو چرګانو د زرو فارمونو د جوړولو لړۍ پیل کړ.
مېرمنو لپاره دغه کورني فارمونه، د کورنیو دخوړو خوندیتوب او د کلیوالو کورنیو د اقتصادي پیاوړتیا په پار جوړیږي.
ددې برنامې ټولیز لګښت ۳۰.۲ میلیونه افغانۍ ده. د یادې برنامې له لارې هرې کورنۍ ته ۳۰ د غوښو چرګان، ۲۰۰ کیلوګرامه ښه کیفیت لرونکي خوراکي توکي، دانهخوره، آبخوره، جالۍ او د چرګانو د ا ړتیا وړ درمل ور کول کیږي.
له دغو چوپړونو څخه برخمن شوي زر مېرمنې د بامیانو ولایت د مرکز او ددې ولایت د سیغان، پنجاب او ورس اوسیدونکې دي.
