دکندهار شاولیکوټ ولسوالی کې اړمنو کسانو ته د شاتو مچیو او اړینو توکو مرسته وشوه
۷ لړم ۱۴۰۴ هـ.ش
۷ جُمَادَى الأول ۱۴۴۷ هـ.ق
د کندهار د کرنې، اوبولګولو او مالدارۍ ریاست په هڅه او له جرمونو او مخدره توکو سره د ملګرو ملتونو د مبارزې دفتر (یو.ان.او.ډې.سي) په مالي ملاتړ، د هالنډ کمیټې په تخنیکي همکارۍ ددې ولایت د شاولیکوټ په ولسوالی کې ۲۰ تنه بېوزله او اړمنو کسانو ته د ۴۵۰ زره افغانۍ په ارزښت د شاتو مچۍ او اړین توکي ووېشل شول.
د چارواکو په وینا، د مرستې د مؤثریت لپاره ګټهاخیستونکي په دوو ګروپونو وېشل شوي، چې هر ګروپ ۱۰ غړي لري. هر ګروپ ته یوه خیمه، ۴۰ د شاتو مچیو صندوقونه، ۱۰ خالي صندوقونه، د عسل پروسس ماشین، د حفظالصحې ځانګړی کېټ او نور اړین توکي سپارل شوي دي.
د دې مرستې موخه د شاتو مچیو روزنې ته وده ورکول، د بېوزلو کورنیو لپاره د کار زمینه برابرول، د هغوی اقتصادي پیاوړتیا او د محلي تولیداتو د ودې ملاتړ یاد شوی دی.
د یادونې وړ ده، چې تر دې وړاندې هم د همدې ادارو په مالي او تخنیکي ملاتړ شپږ تنه وترنران په کابل کې د غواګانو د نسل اصلاح او مصنوعي القاح په برخه کې روزل شوي وو، چې وروسته له لازمي تجهیزاتو سره یوځای د کندهار یو شمېر ولسوالیو ته استول شوي دي.
