دکرنې وزارت دکرنې او مالدارۍ مرستيال د سوداګرۍ او پانکونې خونې چارواکو سره وکتل

mail-admin
دوشنبه ۱۴۰۰/۸/۳ - ۱۴:۱۱
دکرنې وزارت دکرنې او مالدارۍ مرستيال د سوداګرۍ او پانکونې خونې چارواکو سره وکتل

۳لړم ۱۴۰۰
د ا.ا.ا د کرنې، اوبولګولو او مالدارۍ وزارت دکرنې او مالدارۍ مرستيال مولوی صدراعظم، دافغانستان د سوداګرۍ او پانګونې خونې لومړی مرستيال محمد‌یونس مهمند، دافغانستان د سوداګرۍ فدراسيون د خونې مرستيال، خان‌جان الکوزی، د خصوصي سکټور استازو او سوداګرو سره وکتل.
په دې کتنه کې د کرنې، اوبولګولو او مالدارۍ وزارت دکرنې او مالدارۍ مرستيال مولوی صدراعظم دکرنې وزارت او دسوداګرۍ خونې او ملي سوداګرو ترمنځ د پوره همغږۍ پر ايجاد د ټينګار ترڅنګ وويل، چې د هېواد سوداګرو سره به دکرنې وزارت پراخه همکاري ولري.
مولوی صدراعظم د بازار پر ثبات او د هېواد د کورنيو محصولاتو پر ملاتړ د ټينګار ترڅنګ وويل: «د بهرنيو چارو وزارت، د سوداګرۍ او پانګونې خونې او کرنې وزارت په همغږۍ سوداګريزې تعرفې، د سوداګرۍ جواز، ټرانزيټ او د سوداګرو ستونزه ښه او په روڼتيا سره پرمخ ولاړې شي.»
دافغانستان د سوداګرۍ فدراسيون د خونې مرستيال، خان‌جان الکوزی وويل،  چې د افغانستان په سوداګريزو بندرونو کې پراخې ستونزې شتون لري. هغه د تعرفو زياتوالی، د هېواد د حاصلاتو راټولولو په موسم کې د ګاونډيو هېوادونو د پاليسۍ بدلون او د کورني بازار بې ثباتې هغه ستوتزې وبللې،  چې سوداګر ورسره لاس او ګريوان دي.
په دې کتنه کې دواړو خواوو کورنيو محصولاتو ته د بازار رامنځ ته کولو او له هېواده بهر ددغو مخصولاتو د صادرولو په پار دکرنې وزارت او د سوداګرۍ او پانګونې خونې ترمنځ پر همکارۍ ټينګار وکړ.
دکرنې، اوبولګولو او مالدارۍ وزارت په هېواد کې د کرنيزو محصولاتو د بازارموندنې، دکرنيزو محصولاتو ارزښت لوړولو، د يادو محصولاتو د کچې زياتوالی، له هېواده بهر د يادو محصولاتو د صادرولو، د کرنې او بڼوالۍ د سيمو د پراختيا او د مالدارۍ ترويج په پار هلې ځلې کوي.

 

تازه ترین اخبار

شنبه ۱۴۰۵/۸/۳۰ - ۱۶:۱۳
Background image

ننګرهار کې ۱۰۰ تنو د ستروسو او سبو پروسس کوونکو ته د ۲.۶ میلیونه افغانیو په ارزښت وسایل ووېشل شول

۳۰ لړم ۱۴۰۵ هـ.ش
۱۰ جُمَادَى الثانی ۱۴۴۸ هـ.ق
د ننګرهار ولایت د کرنې، اوبو لګولو او مالدارۍ ریاست په هڅو، د «ډاکار» مؤسسې په تخنیکي همکارۍ او د ملګرو ملتونو د نشه‌یي توکو او جرمونو سره. . .

چهارشنبه ۱۴۰۵/۸/۶ - ۱۱:۵
Background image

نورستان کې سلګونو اړمنو بزګرانو ته د اصلاح شویو تخمونو او کیمیاوي سرو د وېش لړۍ پیل شوه

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د نورستان ولایت د کرنې، اوبو لګولو او مالدارۍ ریاست په همغږۍ، د خوړو او کرنې نړۍوالې ادارې «اف‌اې‌او» په مالي ملاتړ او د «اې‌وای‌اس‌او» مؤسسې. . .

چهارشنبه ۱۴۰۵/۸/۶ - ۹:۳۰
Background image

ننګرهار کې د غنمو ننداریزو کروندو لپاره اصلاح شوي تخمونه او کیمیاوي سرې ووېشل شوې

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د ننګرهار د کرنې، اوبو لګولو او مالدارۍ ریاست په تخنیکي همکارۍ او د کرنې وزارت په مالي ملاتړ، د دغه ولایت په اوو ولسوالیو کې د غنمو ننداریزو. . .

بازگشت