دهلمند ولایت بولان د نیالګیو روزلو قوریه کې د مېوه لرونکو او زینتي نیالګیو د قلمو او تخمونو کښېنولو چارې پیل شوې
۶ مرغومې ۱۴۰۳ه.ش
۲۴ جُمَادَى الثاني۱۴۴۶ه.ق
د هلمند ولایت د کرنې، اوبولګولو او مالدارئ ریاست اړوند د طبیعي سرچینو آمریت لخوا، مرکز لښکرګاه بولان د نیالګیو روزلو قوریه کې د بېلابېلو مېوه لرونکو ونو او زینتي بوټو د زرګونه اصله اصلاح شویو نیالګیو د قلمو اېښودلو او تخمونو کرلو چارې پیل شوي دي.
دغه قلمې او تخمونه چې پکې زیتون، انځر، زردالو، ګل ګلاب، چمبیلی او دوربینه شامل دي په نوموړې قوريه کې د مسلکي کارکوونکو لخوا روزل کېږي، چې راتلونکي کې به باکیفیته اصلاح شوي نیالګي ورڅخه په لاس راشي.
د یادولو وړ ده، چې په دغه قوریه کې د نورو مېوه لرونکو نیالګیو روزنه هم روانه ده.
