خوست کې د څارویو لپاره د وینهبهېدونکې تبې او چینجیو پر وړاندې د وقایوي کمپاین څارنه وشوه
۱۳ غبرګولی ۱۴۰۴ ه.ش
۶ ذُو الحِجَّةِ ۱۴۴۶ه.ق
د خوست ولایت د کرنې، اوبو لګولو او مالدارۍ ریاست د څارویو روغتیا او مالدارۍ آمریت آمر ډاکټر انعام الله جاوید د یاد ریاست له ځینو مدیرانو سره یو ځای، د ولایت مرکز اړوند د څارویو نخاش څخه د وینهبهېدونکې تبې او چینجیو پر وړاندې د وقایوي کمپاین څارنه وکړه.
د دغه کمپاین په ترڅ کې د څارویو منظمه دواپاشي روانه ده، چې له مخې به یې تر لوی اختر پورې هره ورځ نخاش ته راتلونکي او تلونکي څاروي دواپاشي کېږي.
د کرنې ریاست مسؤولین وايي، چې د یاد اقدام موخه دا ده، څو خلک وکولای شي د لوی اختر لپاره له سالمو او روغو څارویو استفاده وکړي.
