بټي کوټ کې دترویج مدیریت لپاره د ودانۍ جوړولو چارې پیل شوې

۱۱ لېندۍ ۱۳۹۸
د کرنې، اوبولګولو او مالدارۍ وزارت له خوا د ننګرهار په بټي کوټ ولسوالۍ کې د ترویج مدیریت لپاره نوی ودانۍ جوړیږي. په هغه غونډه کې، چې د ننګرهار د کرنې چارسمبال مشر ډاکټر محمدضمیر بهسودي، د بټي کوټ ولسوال حاجي عبدالوهاب او یوشمېر نو سیمه ییز مشران شتون درلود ددې ودانۍ د جوړولو چارې رسماً پیل شوې.
د ننګرهار ولایت د کرنې، اوبولګولو او مالدارۍ ریاست چارواکي وایي، دغه ودانۍ په پاخه او اساسي ډول جوړیږي، چې په کې اداري خونې، دغونډو یوتالار او بشپړ دفتري تجهیزات شامل دي.
ددې ودانۍ د جوړولو لګښت د کرنې وزارت له پراختیایي بودیجې څخه ورکړل شوې ده.
د ننګرهار د کرنې چارسمبال مشر ډاکټر محمدضمیر بهسودي وویل، چې ددې ودانۍ په جوړېدو سره د بټي کوټ ولسوالۍ په کچه د ترویج په چارو کې کڼ اسانتیاوې رامنځته کیږي او مالداران او کروندګرو ته به په کې د لا اسانتیاوو زمینه برابره شي.