بغلان کې څه باندې یو میلیون نیالګي اېښودو ته چمتو دي
۱۲ کب ۱۳۹۹
د بغلان په ولایت کې د نیالګیو اېښودو د کمپین په پیل سره، د دې ولایت د کرنې، اوبولګولو او مالدارۍ ریاست وایي، چې په دې ولایت کې څه باندې یو میلیون نیالګي تولید شوې او وېش ته چمتو دي.
د بغلان د کرنې رییس عبدالغیاث صدیقي وايي، چې د بغلان د کرنې ریاست د طبیعي سرچینو آمریت له خوا څه باندې ۶۰ زره مثمر او غېر مثمر نیالګي او ترڅنګ یې د ټولنو، د قوریه لرونکو ټولنو او خصوصي سکټور له خوا نږدې یو میلیونه نیالګي تولید او وېش ته چمتو شوي دي.
