اروزګان کې د زیرې کرکېله؛ سږ یې حاصلات ډېر شوي
۲۲ لړم ۱۳۹۹
د اروزګان د کرنې، ابولګولو او مالدارۍ ریاست چارواکي وایي، چې سږ کال ددې ولایت په ۵۴۷ هکټاره ځمکه کې کې توره او سپینه زیره کرل شوي دي، چې ورسره ددې ولایت د زیرې د حاصلاتو کچه هم لوړ شوی دی.
د اروزګان د کرنې، اوبولګولو او مالدارۍ ریاست چارواکي وایي، چې سږ کال ددې ولایت د مرکز په ګډون په ګڼو ولسوالیو کې د زیرې کرکېله دود او عملاً سلګونه هکټاره ځمکه کې توره او سپینه زیره کرل شوي دي. د دوی په خبره په تېرو کلونو کې هم په دې ولایت کې یوشمېر بزګرانو په خپلو کروندو کې زیره کرلې وه، چې د قناعت وړ حاصل یې ترلاسه کړي دي.
زیره، چې په اصل کې یو غرنۍ بوټی دی، ځانګړې اقلیمي شرایطو ته اړتیا نه لري، نو په همدې موخه د افغانستان په ډېرو سیمو کې یې کرکېله دود شوې ده. له زیرې څخه په خوړو او طبابت کې ګټه اخیستل کیږي او په کور د ننه او بهر ښه مارکېټ هم لري.
