اداري غونډه کې د پراختیایي بودیجې پر لګولو ټینګار

mail-admin
چهارشنبه ۱۴۰۰/۲/۲۹ - ۱۶:۱۱
اداري غونډه کې د پراختیایي بودیجې پر لګولو ټینګار

۲۹ غویی ۱۴۰۰
د کرنې، اوبولګولو او مالدارۍ وزارت په اداري غونډه کې د پراختیایي بودیجې پر لګولو ټینګار وشو.
دا غونډه نن د کرنې وزارت سرپرست او د اوبولګولو او طبیعي سرچینو مرستیال حشمت الله غفوري په مشرۍ، د کرنې او مالدارۍ مرستیال شېرشاه امیري او د ریاستونو او پروژو د رییسانو په شتون کې په لاره واچول شوه، چې په ترڅ کې یې د ۱۴۰۰ مالي کال د پراختیایي بودیجې پر لګولو خبرې وشوې.
ښاغلی غفوري د غونډې ګډونوالو ته سپارښتنه وکړه، چې په مرکز او ولایتونو کې دې د پراختیایي پروژو د عملي کېدو چارې کړندۍ کړي.
د اوبولګولو او طبیعي سرچینو مرستیال دغه راز وویل، چې د قراردادونو او دواطلبیو د پلي کېدو په لړۍ او د پراختیایي پروژو د عملي چارو په پیل کې خنډ او ځنډ د منلو نه دي او په مرکز او ولایتونوکې دې پراختیایي پروژې په چټکۍ سره پلي شي.
په دې غونډه کې ښاغلی غفوري دکرنې وزارت د تدارکاتو په لړۍ کې یوشمېر ستونزو ته هم اشاره وکړه او ویې ویل، چې باید ژر دا ستونزې هوارې شي ترڅو د پراختیایي پروژو په پلي کېدو کې خنډ منځته را نه شي.

تازه ترین اخبار

چهارشنبه ۱۴۰۴/۴/۴ - ۱۵:۲۲
Background image

د کرنې وزیر په کابل کې د جاپان له سفیر سره وکتل

۴ چنګاښ ۱۴۰۴ ه‍.ش
۲۸ ذُو الحِجَّةِ ۱۴۴۶ه‍.ق
د کرنې، اوبو لګولو او مالدارۍ وزیر مولوي عطاءالله عمري، د خپل کار په دفتر کې په افغانستان کې د جاپان له سفیر تاکایوشي کورمایا سره وکتل.
په دې. . .

چهارشنبه ۱۴۰۴/۴/۴ - ۱۲:۱۹
Background image

هلمند کې د طبق او کانګو تبې ناروغۍ د مخنیوي په موخه درمل ووېشل شول

۴ چنګاښ ۱۴۰۴ ه‍.ش
۲۸ ذُو الحِجَّةِ ۱۴۴۶ه‍.ق
دهلمند ولایت د کرنې، اوبولګولو او مالدارۍ ریاست اړوند د مالدارۍ او حیواني روغتیا آمریت، د افغانستان لپاره د هالنډ کمیټې په همکارۍ، د ۲۴ سیمه. . .

چهارشنبه ۱۴۰۴/۴/۴ - ۱۱:۲۳
Background image

کندهار کې لسګونو بزګرانو ته د انګورو د حاصل راټولولو او د اوبو د مؤثرې کارونې په موخه روزنه ورکړل شوه

۴ چنګاښ ۱۴۰۴ ه‍.ش
۲۸ ذُو الحِجَّةِ ۱۴۴۶ه‍.ق
د کندهار د کرنې، اوبو لګولو او مالدارۍ ریاست په هڅو، د سولې بنسټ (آر. او. پي) مؤسسې په همکارۍ د کندهار په نېش او میوند ولسوالیو کې ۹۵ بزګرانو. . .

بازگشت