هلمند کې د کرنیزو محصولاتو مدیریت د طرحې پلي کېدل پیل شو

user-admin
چهارشنبه ۱۳۹۹/۲/۲۴ - ۱۷:۱۱
هلمند کې د کرنیزو محصولاتو مدیریت د طرحې پلي کېدل پیل شو


۲۴ غویی ۱۳۹۹
په هلمند ولایت کې هم د کرنیزو محصولاتو مدیریت د طرحې د پلي کېدو چارې پیل شوې. ټاکل شوې، چې ددې طرحې په اډانه کې ۱۵۰ ممیزخونې او د پیازو ۵۰ زېرمتونونه جوړ او پر یوشمېر بزګرانو د سبو او مېوو ۳۰ وچوونکي دستګاوې ووېشل شي.
د هلمند د کرنې، اوبولګولو او مالدارۍ رییس زلمی الکو وایي، د کرنیزو محصولاتو مدیریت د پروژې په اډانه کې هلمند لپاره ۱۵۰ ممیزخونې او د پیازو ۵۰ زېرمتونونه جوړیږي او ترڅنګ یې پر یوشمېر بزګرانو او بڼوالو د سبو او مېوو ۳۰ وچوونکي دستګاوې هم وېشل کیږي.
 ښاغلی الکو وویل، چې هلمند کې له غنمو او وريجو وروسته انګور، پیاز او رومي بانجان په عاجلو خوراکي موادو کې شمېرل کيږي، چې پخوا يې ساتنه نه کېده او بزګرانو به په ډېره ټېټه بیه په سوداګرو پلورل، چې وروسته به د نورو ادرسونو له لوري په بازار کې په لوړه بيه وړاندې کېدل.
د هلمند د کرنې رییس وویل، چې ددې پروژو په تطبيق سره به مستقيماً بزګران برخمن شي او همداراز په بازار کې به هر مهال سبو او مېوو ته لاسرسی ولرو.
د زلمی الکو په وینا د یادو پروژو په پیل کېدو سره به ۱۸۴۰ کسانو ته په مستقيم او شاوخوا څلور زره کسانو ته په غيرمستقيم ډول  د کاري زمينې برابریږي.
په همدې حال کې د هلمند والي وویل، چې د دې ولايت اقليم او ځمکه کرنې او مالدارۍ ته ښه مساعده ده؛ په همدې موخه په کرنيز سکتور کې د ولسمشر  پاملرنه هم دې ولايت ته زياته شوې او له همدې امله یې د ولسمشر، کرنې وزارت او اړونده چارواکو څخه مننه او قدرداني وکړه.
هغه وویل، چې یادې پروژې هلمند ولایت لپاره بنسټیز او حیاتي ارزښت لري او چارې یې د کلیوالي شوراګانو له لارې په پوره روڼتیا سره پر مخ وړل کیږي. د هلمند والي وویل، ولسونه حق لري، چې د پروژو د ښه پلي کېدو په موخه د پلي کېدونکو پروژو څارنه وکړي.
ددغو کرنیزو بنسټونو ۱۰ سلنه ونډه  د بزګرانو او بڼوالو له خوا او ۹۰ سلنه نور لګښت یې د کرنې وزارت له خوا ورکول کیږي.
د کرونا په پېر کې د کرنیزو محصولاتو د مدیریت د طرحې په اډانه کې ټاکل شوې، چې بزګرانو او بڼوالو لپاره زرګونه ممیزخونې، د پیازو او کچالو زرګونه زېرمتونونه او دمڼې، انارو، انګور او زردالو لپاره سلګونه صفرانرژۍ سارک سړې خونې جوړې شي او ترڅنګ یې پر بزګرانو او بڼوالو د سبو او مېوو وچوونکي آلې هم ووېشل شي.

تازه ترین اخبار

چهارشنبه ۱۴۰۴/۷/۱۶ - ۱۴:۵۸
Background image

ننګرهار کې بزګرانو ته د ناروغیو مخنیوي اوبڼونو ښه مدیریت په موخه روزنه ورکړل شوه

۱۶ تله ۱۴۰۴ هـ.ش
۱۵ رَبِیعُ الْثاني ۱۴۴۷ هـ.ق
د ننګرهار د کرنې، اوبو لګولو او مالدارۍ ریاست اړوند د ګوشتې او بټې کوټ ولسوالیو بوټو ساتني مدیریت کارکوونکو په مختلفو کلیو کې بڼوالو او. . .

چهارشنبه ۱۴۰۴/۷/۱۶ - ۱۴:۳
Background image

کندز کې د کرنې او کلیو پراختیا سکټور د همغږۍ غونډه ترسره شوه

۱۶ تله ۱۴۰۴ هـ.ش
۱۵ رَبِیعُ الْثاني ۱۴۴۷ هـ.ق
کندز ولایت کې د کرنې، اوبو لګولو او مالدارۍ ریاست د همکارو مؤسسو او بنسټونو سره د همغږۍ او پرمختګ په موخه غونډه وکړه. په دې ناسته کې د. . .

چهارشنبه ۱۴۰۴/۷/۱۶ - ۱۲:۴۷
Background image

د ننګرهار وادي کرنیز شرکت چارواکي: درېیم فارم څخه به سږکال نږدې درې زره ۳۰ ټنه جوار ترلاسه شي 

۱۶ تله ۱۴۰۴ هـ.ش
۱۵ رَبِیعُ الْثاني ۱۴۴۷ هـ.ق
د ننګرهار وادي کرنیز شرکت د درېیم فارم چارواپي وایي، سږ کال په دغه فارم کې شاوخوا ۴۰۳۰ جریبه ځمکه د جوارو د کرلو لپاره ځانګړې شوې ده، چې د. . .

بازگشت