بغلان ولایت کې پر ۲۱۰۰ مالدارانو د خوراکي توکو او نغدي مرستو د وېش بهیر پیل شوه
۱۹ لړم ۱۴۰۵ هـ.ش
۲۹ جُمَادَى الأول ۱۴۴۸ هـ.ق
د بغلان ولایت د کرنې، اوبو لګولو او مالدارۍ ریاست په همغږۍ، د ټولنیز ترویج «اساویو» مؤسسې له لوري، چې مالي ملاتړ یې د ملګرو ملتونو د خوړو او کرنې ادارې «افاېاو» پر غاړه دی، ددې ولایت د پلخمري، بورکي، دوشی، ګذرګاه نور، او بغلان مرکزی ولسوالیو پر ۲ زره ۱۰۰ مالدارانو د څارویو د خوراکي توکو او نغدي مرستو د وېش لړۍ د پلخمري له ولسوالی څخه پیل کړی ده.
د یاد پروګرام په ترڅ کې هر ګټهاخیستونکي ته ۱۰۰ کیلوګرامه متمرکزه حیواني خوراکه (کنجاره) او ۵ زره او ۷۱۲ افغانۍ نغدي مرسته ورکړل شوه.
د بغلان ولایت د کرنې، اوبو لګولو او مالدارۍ ریاست ریس مولوی حیات الله «زرقاوی»او د یاد ریاست د حیوانی روغتیا آمر داکتر تاج محمد «احمدزی» د یادو مرستو د وېش په اړه وویل، چې د مالدارانو ملاتړ، د څارویو د تغذیې ښهوالی او د مالدارۍ سکټور پیاوړتیا د ریاست له مهمو لومړیتوبونو څخه دي. نوموړي د «ټولنیزو ترویج ارتقا موسسه» او د ملګرو ملتونو د خوړو او کرنې ادارې «افاېاو» له همکارۍ څخه مننه وکړه او له مرستندویه بنسټونو یې وغوښتل، چې د کرنې او مالدارۍ په برخو کې خپلو مرستو او همکاریو ته دوام ورکړي، ترڅو اړمنو کورنیو ته لا ډېرې اسانتیاوې برابرې شي.
بلخوا، یو شمېر هغو مالدارانو چې مرستې یې ترلاسه کړې وې، د خوښۍ څرګندولو ترڅنګ وویل، چې یادې مرستې په اوسنیو اقتصادي شرایطو کې د دوی لپاره ارزښتناکې دي او د څارویو د خوراکي اړتیاوو په پوره کولو او د کورنیو د اقتصادي ستونزو په کمولو کې به ورسره مرسته وکړي. دوی د بغلان د کرنې ریاست او مرستهکوونکو ادارو څخه مننه وکړه او د ورته مرستو د دوام غوښتنه یې وکړه.
