د کرنیزو محصولاتو مدیریت؛ بغلان او نورستان کې د ۴۴۴  کرنیزو پروژو چارې پیل شوې

mail-admin
یکشنبه ۱۳۹۹/۲/۲۸ - ۱۳:۸
د کرنیزو محصولاتو مدیریت؛ بغلان او نورستان کې د ۴۴۴  کرنیزو پروژو چارې پیل شوې

د کرنیزو محصولاتو مدیریت؛
بغلان او نورستان کې د ۴۴۴  کرنیزو پروژو چارې پیل شوې
۲۸ غویی ۱۳۹۹
د کرونا په پېر کې د «کرنیزو محصولاتو مدیریت» د پروژې چارې په بغلان او نورستان کې هم پیل شوې. ټاکل شوې، چې ددې برنامې په اډانه کې د کرنې وزارت له خوا په یادو دوو ولایتونو کې ۲۱۱ میلیونه او ۲۹۲ زره او ۴۵۲ افغانیو په لګښت ۴۴۴  پروژې پلی شي. 
بغلان کې د کرنیزو محصولاتو مدیریت د پروژې په اډانه کې د ۲۰۲  او ۶۷۵ زره او ۲۷۰ افغانیو په لګښت د ۴۳۰ پروژو د پلي کېدو چارې پرون رسماً پیل شوې.
ټاکل شوې، چې د کرنې وزارت په بغلان ولایت کې د کرنیزو محصولاتو مدیریت د طرحې په اډانه کې، د پیازو او کچالو  ۲۰۰ زېرمتونونه، د مېوې د ساتنې په پار پنځه صفر انرژۍ سارک سړې خونې جوړ کړي. دغه راز ددې طرحې په اډانه کې د سبو او مېوو وچوونکي دستګاوې، چې په لمریزه انرژۍ کار کوي، د بغلان  پر یوشمېر  بزګرانو او بڼوالو وېشل کیږي.
د نورستان په ولایت کې هم د کرنیزو محصولاتو دمدیریت د پروژې چارې رسماً پیل شوې.
د نورستان دکرنې، اوبولګولو او مالدارۍ رییس عبدالوهاب نسیمي وایي، چې ددې برنامې په اډانه کې د نورستان بزګرانو لپاره د اته میلیونه او ۶۱۷ زره او ۱۸۲ افغانیو په لګښت  د کچالو ۱۴زېرمتونونه جوړیږي، چې د ۲۲۰ مټریک ټنه کچالو د ساتنې وړتیا لري.
د نورستان د کرنې رییس وویل، چې د زېرمتونونو په جوړېدو سره به ددې ولایت کرنیز محصولات د خوساکېدو او ضایع کېدو څخه وژغورل شي. 
په ورته وخت کې د نورستان والی حافظ عبدالقیوم، د کرنیزو محصولاتو د مدیریت په پار د کرنې وزارت هلې ځلې وستایل او زیاته یې کړه، چې  په دې ولایت کې پلي کېدونکې پروژې به د دې ولایت د کرنیزو محصلاتو په خوندیتابه کې رغنده رول ولري.
د کرنیزو محصولاتو د مدیریت طرحه، د بڼوالو او بزګرانو اړتیاوو ته په کتو، د دوی لپاره کرنیز بنسټونه جوړوي. بزګران او بڼوال د دغو بنسټونو د جوړولو  یوازې ۱۰ سلنه لګښت ورکوي او ۹۰ سلنه نور لګښت یې د کرنې وزارت له خوا ورکول کیږي.
ددې طرحې په اډانه کې، په بېلابېلو ولایتونو کې بڼوالو او بزګرانو لپاره زرګونه ممیزخونې، د پیازو او کچالو زرګونه زېرمتونونه او د مېوو د ساتنې په پار سلګونه صفر انرژۍ سارک سړې خونې جوړیږي. دغه راز ددې برنامې پر اساس، پر بڼوالو او بزګرانو د مېوو او سبو زر وچوونکي آلې هم وېشل کیږي.
دغه طرحه د روان مالي کال تر پایه په بشپړه توګه عملي کیږي او د پلي کېدو پر وخت او له هغه وروسته زرګونو کسانو ته د کار زمینه برابروي.
د کرنیزو محصولاتو د مدیریت د طرحې د پلي کېدو چارې د هېواد په ډېرو ولایتونو کې پیل شوي دي.

تازه ترین اخبار

یکشنبه ۱۴۰۴/۷/۱۳ - ۱۰:۲
Background image

ننګرهار کې زرگونو څارویو ته دلیونتوب ناروغۍ  مخنیوی پر وړاندې د واکسین کمپاین پیل شو

۱۳ تله ۱۴۰۴ هـ.ش
۱۲ رَبِیعُ الْثاني ۱۴۴۷ هـ.ق
د ننګرهار د کرنې، اوبولګولو او مالدارې ریاست په هڅو د افغانستان لپاره د هالینډ کمېټې په تخنیکي همکارۍ او اروپایي ټولنې  په مالی لګښت د. . .

یکشنبه ۱۴۰۴/۷/۱۳ - ۹:۱۳
Background image

کندهار کې د انارو د حاصلاتو د پام وړ کچه؛ سږکال ۲۷۴ زره ټنه انار ترلاسه کېږي

۱۲ تله ۱۴۰۴ هـ.ش
۱۱ رَبِیعُ الْثاني ۱۴۴۷ هـ.ق
د کندهار دکرنې، اوبولګولو او مالدارۍ ریاست چارواکي وایي، چې سږکال به په کندهار کې شاوخوا ۲۷۴ زره ټنه د انارو حاصلات ترلاسه شي. 
د کندهار د. . .

شنبه ۱۴۰۴/۷/۱۲ - ۱۶:۲
Background image

د کرنې وزارت مالي او اداري مرستیال په کابل کې د تولیدي شرکتونو او د مېوو او سبو له سړو خونو څخه لیدنه وکړه

۱۲ تله ۱۴۰۴ هـ.ش
۱۱ رَبِیعُ الْثاني ۱۴۴۷ هـ.ق
د کرنې، اوبو لګولو او مالدارۍ وزارت مالي او اداري مرستیال ملا آغاجان آخند «حاجي سالم»، د کابل ولایت په شمالي ولسوالیو کې له یو شمېر تولیدي. . .

بازگشت