کرنې وزارت کې درې نوي ټاکل شوي رییسان معرفي شول

د کرنې وزارت په وړاندیز او د افغانستان اسلامي امارت د رییس الوزراء دحکم په اساس د کرنې، اوبولګولو او مالدارۍ وزارت ته درې نوي رییسان ور وپېژندل شول او خپلې چارې یې پیل کړل.
زین الدین حسام د اوبولګولو د پراختیا د انجینرۍ د رییس په توګه په دویم بست کې، معاذ الله عادل د اوبولګولو د نوې تکنالوژۍ د تنظیم د رییس په توګه په دویم بست کې او مولوي عبدالمجید د کرنې په وزارت کې د پالیسۍ او پلان د رییس په توګه د یادو ادارو کارکوونکو ته ور وپېژندل شول.
د کرنې، اوبولګولو او مالدارۍ وزارت مالي او اداري مرستیال مولوي فضل الباري فضلي د دغو رییسانو په پېژند غونډه کې وویل: «د هېواد اقتصاد په کرنې او مالدارۍ پورې تړلی دی، نو پکار ده چې رییسان او کارکوونکي دې په خپلو اړوندو څانګو کې صادقانه کار او لا زیاتې هڅې وکړي.»
د کرنې وزارت د دفتر رییس مولوي محمد حسین خورشید په دولتي ادارو کې ادلون بدلون یو اصل وباله او د درېیو نویو ګمارل شویو رییسانو فرمان یې ولوست.
د کرنې، اوبولګولو او مالدارۍ وزارت رهبري د چارو د لا ښه والي او د لا غوره چوپړتیاوو د وړاندې کولو په موخه په نویو بستونو کې رییسان ګمارلي او تبدیل کړي دي.

سه تن از روئسای جدید التقرر در وزارت زراعت معرفی شد 
بر اساس پیشنهاد وزارت زراعت و حکم رئیس الوزراء امارت اسلامی افغانستان سه تن از رئیسان جدید التقرر در وزارت زراعت، آبیاری ومالداری معرفی و به کار اش آغاز نموده اند. 
زین الدین حسام در بست دوم بحیث رئیس انجنیری انکشاف آبیاری، معاذ الله عادل در بست دوم بحث رئیس تنظیم تکنالوژی جدید آبیاری و مولوی عبدالمجید مبارک به حیث رئیس پالیسی و پلان در وزارت زراعت معرفی شده اند.
مولوی فضل الباری فضلی معین مالی و اداری وزارت زراعت، آبیاری و مالداری در برنامه معرفی این رییسان گفت:" اقتصاد کشور وابسته به زراعت و مالداری است پس نیاز است تا رییسان و کارمندان در بخش های مربوطه شان صادقانه کار و تلاش بیشتر نمایند".
مولوی محمد حسین خورشید رییس دفتر وزارت زراعت تغیر و تبدیل را در ارگان های دولت یک اصل دانسته و حکم این سه رییس جدید التقرر را به خوانش گرفت.
رهبری وزارت زراعت، آبیاری و مالداری به منظور بهبود امور و اراییه خدمات بیشتر رییسان را در بست‌های جدید تقرر و تبدیل نموده است.