لغمان کې د پیازو ۱۹۰ زېرمتونونه ګټې اخیستنې ته چمتو شوي دي

mail-admin
دوشنبه ۱۳۹۹/۱۰/۱۵ - ۱۴:۱۸
لغمان کې د پیازو ۱۹۰ زېرمتونونه ګټې اخیستنې ته چمتو شوي دي

۱۵مرغومې ۱۳۹۹
د لغمان دکرنې، اوبولګولو او مالدارۍ ریاست چارواکي وايي، چې په دې ولایت کې دکرنیزو محصولاتو مدیریت د پروژې په اډانه کې د پیازو د ۱۹۰ زېرمتونونو رغنیزې چارې بشپړ او ګټې اخیستنې ته چمتو شوي دي.
دلغمان دکرنې رییس محمدجمیل خوشحال وایي، چې د پیازو یاد زېرمتونونه د لغمان ولایت مرکز مهترلام ترڅنګ ددې ولایت په قرغیو، الیشنګ او الینګار ولسوالیو کې جوړ شوي دي.
له دغو زېرمتونونو څخه برخمن شوي بزګران، د کرنې وزارت د یاد اقدام هرکلۍ کوي او وایي، چې تر دې وروسته دوی په دې توانیږي، چې زرګونه مټریک ټنه پیاز زېرمه او په مناسب وقت کې یې بازار ته د پلور په پار وړاندې کړي.
د قرغیو ولسوالۍ د احمدزیو د کلي یوتن بزګر چې دکرنې وزارت له خوا ورته د پیازو یوه زېرمه تون جوړه شوې ده وویل: «له دولت څخه مننه کوم، چې دا زېرمه تون یې راته جوړه کړې ده، ددې زېرمه تون رغنیزې چارې په درو میاشتو کې پشپړې شوې او په کې یوشمېر کسان په کار بوخت ول. مخکې مو د پیازو د ساتنې په پار مناسب ځای نه درلود او په دې برخه کې له ګڼو ستونزو سره مخ و، ځکه د حاصل ټولولو پر وخت مجبور وو، چې خپل محصولات په ټیټه بیه خرڅ کړ، که به مو نه خرڅول حاصلات مو خوساکېدل او زما او نورو بزګرانو لپاره چې پیاز یې کرل لوی زیان و.»
دقرغیو ولسوالۍ بل بزګر محمدولي دی، چې له دې پروژې څخه برخمن شوی دی. هغه وایي: «د لغمان د کرنې له ریاست څخه مننه کوم، چې د پیازو دا زېرمه تون یې راته جوړ کړ. درې جریبه ځمکه کې مې پیاز کرل خو د قناعت وړ عواید مې نه ترلاسه کول. اوس غواړم چې د خپلو پیازو کروندې زیات کړم او په دوه جریبه نورو ځمکو کې هم پیاز وکرم، ځکه چې اوس کولای شو چې خپل محصولات په دې زېرمه تون کې وساتو او په مناسب وقت او مناسبه بیه یې خرڅ کړو.»
ددې بزګر په خبره، ددولت دا چارې د خلکو د ژوند وضعیت ښه کولو او له بهره د وارداتو په ټيټولو کې رول لري. هغه وویل: «کولی شو، چې خپل محصول د څو میاشتو لپاره دلته وساتو، په دې کار سره کولی شو، چې د خلکو اړتیاوې پوره کړو او د بهرنیو محصولاتو د وارداتو مخه ونیول شي. کله چې په کوردننه باکیفیته وطني محصولات موجود وي، اړتیا نشته چې خلک په لوړه بیه له بهر وارد شويو سبو څخه ګټه پورته کړي.»
د پیازو د یادو زېرمتونونو د جوړولو ټولیز لګښت څه باندې ۷۲ میلیونه افغانۍ ده، چې د کرنیزو محصولاتو مدیریت د پروژې په اډانه کې د لغمان دکرنې ریاست له خوا پلي شوي دي. په پام کې ده، چې په راتلونکې کې هم په دې ولایت کې ورته نورې پروژې پلي شي.
لغمان د پراخو اوبیزو سرچینو او حاصل خېزو ځمکو په درلودو سره د افغانستان یو له کرنیزو ولایتونو څخه دی، چې د کال په ټولو موسمونو کې په کې کرکېله کیږي. د الیشنګ، الینګار او کابل سیندونه ددې ولایت تر ټولو سترې اوبیزې سرچینې دي. په همدې موخه د لغمان ولایت ډېری ځمکه کې کرکېله کیږي او تر ډېره په کې سابه کرل کیږي. لغمان د افغانستان د سبو د پلازمېنې په نوم هم یادیږي.

تازه ترین اخبار

چهارشنبه ۱۴۰۴/۷/۱۶ - ۱۴:۵۸
Background image

ننګرهار کې بزګرانو ته د ناروغیو مخنیوي اوبڼونو ښه مدیریت په موخه روزنه ورکړل شوه

۱۶ تله ۱۴۰۴ هـ.ش
۱۵ رَبِیعُ الْثاني ۱۴۴۷ هـ.ق
د ننګرهار د کرنې، اوبو لګولو او مالدارۍ ریاست اړوند د ګوشتې او بټې کوټ ولسوالیو بوټو ساتني مدیریت کارکوونکو په مختلفو کلیو کې بڼوالو او. . .

چهارشنبه ۱۴۰۴/۷/۱۶ - ۱۴:۳
Background image

کندز کې د کرنې او کلیو پراختیا سکټور د همغږۍ غونډه ترسره شوه

۱۶ تله ۱۴۰۴ هـ.ش
۱۵ رَبِیعُ الْثاني ۱۴۴۷ هـ.ق
کندز ولایت کې د کرنې، اوبو لګولو او مالدارۍ ریاست د همکارو مؤسسو او بنسټونو سره د همغږۍ او پرمختګ په موخه غونډه وکړه. په دې ناسته کې د. . .

چهارشنبه ۱۴۰۴/۷/۱۶ - ۱۲:۴۷
Background image

د ننګرهار وادي کرنیز شرکت چارواکي: درېیم فارم څخه به سږکال نږدې درې زره ۳۰ ټنه جوار ترلاسه شي 

۱۶ تله ۱۴۰۴ هـ.ش
۱۵ رَبِیعُ الْثاني ۱۴۴۷ هـ.ق
د ننګرهار وادي کرنیز شرکت د درېیم فارم چارواپي وایي، سږ کال په دغه فارم کې شاوخوا ۴۰۳۰ جریبه ځمکه د جوارو د کرلو لپاره ځانګړې شوې ده، چې د. . .

بازگشت