راستنېدونکو کډوالو ته د مېشت غالي نقشه کولو چارې پیل شوې 

پاکستان څخه د اجباري ایستل شویو راستنېدونکو کډوالو وضعیت ته د رسېدنې په پار دکرنې وزارت له لورې د عمري مېشت غالي سکیج جوړ او ډېر ژر به د نقشې له مخې بلاک بندي شي.
د یاد مېشت غالې ترتیب او تنظیم د رییس الوزرا اداري مرستیال مولوي عبدالسلام حنفي  په لار ښوونه د کرنې وزارت مرستیال مولوي فضل الباري فضلي په مشرۍ، د کابل ښاروالۍ مرستیال مولوي خالد سجستاني، جلال اباد ښاروال عبدالرزاق ضیایې، تورخم ښاروال ملا برجان حاجي شبیر،  دعشر او زکات رییس مولوي شمس الله محمد او تخنیکي انجینرانو له لورې همغږي تر سره او د عملي چاري پیل شوې.
 د کرنې وزارت مالي او اداري  مرستیال مولوي فضل الباري فضلي وویل: «عمري مېشت غالي غیر منظم دی؛ د کرنې برخې د اانجنیرانو له لورې سکیج واخیستل شو؛ چې ډېر ژر به یې نقشه جوړه او پر بلاکونو وویشل شي.» 
هغه وویل  یاد مېشت غالي چې ۲۵۰ جریبه مساحت لري، په درو برخو ووېشل شي او هر بلاک کې به د هر بلاک او هرې خیمې شمېره معلومه وي، چې د چوپړتیاوو په ښه ډول وړاندې کولو کې تر ډېره مرسته وکړي.
دغه راز په مېشت غالي کې ۲۰ زره  هیوادوالو لپاره به نکږدې ۴۲۵۰ خیمې ولګول شي، او د دولتي خدماتي ادارو، خیریه موسیساتو، جوماتونو، تشنابونو، سړکونو، دوکانونو او روغتیایې برخو کارکوونکو ته سیمې په نظر کې نیول شوی دي.
د ښالي فضلي په خبره تردې مهاله ۱۱۹۸ خیمې د عمري په مېشت غالې کې لګول شوي او د نورو د لګولو چارې روانې دي.
وروسته له هغه چې پاکستان له هغه هېواده د افغان کډوالو د اجباري شړلو د بشري قوانينو خلاف پرېکړه وکړه، هره ورځ د تورخم او کندهار له سپين بولدک بندر څخه زرګونه کسان افغانستان ته داخلېږي.
په همدې موخه د افغانستان اسلامي امارت د مشرتابه پلاوی په لارښوونه له پاکستان څخه د راستنیدونکو کډوالو لپاره د لازمو اسانتیاوو د برابرولو په موخه د امارت له څو ادارو څخه یو کمیسیون جوړ شوی دی، ترڅو له پاکستان څخه راستنېدونکو کډوالو لپاره لازمې اسانتیاوې برابرې کړي.