دکرنې او مالدارۍ مرستيال د حيواني محصولاتو د واردوونکو ټولنو سره وکتل
۲۱تله ۱۴۰۰
دا.ا.ا د کرنې، اوبولګولو او مالدارۍ وزارت د کرنې او مالدارۍ مرستيال مولوی صدراعظم، د چرګانو غوښې د واردوونکو شرکتونو له يوشمېر چارواکو سره وکتل.
په دې ليدنه کې د ملي سوداګرو پر ستونزو، د سوداګريزو توکو په ځانګړې توګه د حيواني توکو ترانزیت، مالیه، د حيواني محصولاتو صادرات او وارداتو په هکله خبرې اترې وشوې.
يوشمېر سوداګر له سوداګريزو بندرونو څخه د چرګانو د غوښو د واردولو په پار شکايت لري. هغوی وايي، چې له برازيل او امريکا څخه د نړيوالو سرټفيکټونو پر اساس د مالدارۍ محصولات واردوي، چې حلال او صحي دي خو د ننګرهار په ګمرک کې يې د وارداتو مخه نيول شوي دي.
په همدې حال کې د چرګانو روزنې فارم لرونکي ادعا کوي، چې د هکيو د توليد په برخه کې پرځان بسيا دي په داسې حال کې، چې د ورځې ۷۰۰زره توليد لري او د هګيو ورځنۍ مصرف لس ميليونه ده.
په دې ليدنه کې دکرنې، اوبولګولو او مالدارۍ وزارت چارواکو ژمنه وکړه، چې د بهرنيو چارو وزارت په همکارۍ سره د غوښو واردوونکو شرکتونو د ستونزو هوارولو په پار به لاس په کارشي.
