د کابل دکرنې رياست سکټوري غونډه دائره شوه
۶ وږی ۱۴۰۱ه.ش
۳۰ محرم الحرام ۱۴۴۴ ه.ق
دکابل دکرنې، اوبولګولو او مالدارۍ رياست وايي، چې د کابل د کرنې ریاست سکټوري غونډه د کابل د کرنې رئیس په مشرۍ د دغه ریاست د غونډو په تالار کې جوړه شوه.
د کرنې او کلیو پراختیا سکټور میاشتنۍ غونډه د کابل ولایت د کرنې، اوبولګولو او مالدارۍ ریاست په تالار کې جوړه شوه، په پیل کې د کابل ولایت د کرنې ریاست رئیس د خلکو او بزګرانو او بڼوالو ته د کرنیزو خدمتونو د وړاندې کولو د څرنګوالي په اړه چې د کرنې او مالدارۍ په سکټور کې د مؤسساتو لخوا ترسره شوي خبرې وکړې.
ورپسې د مؤسسو استازو د خپلو کارونو او ستونزو په اړه خبرې وکړې او د کابل د کرنې ریاست څخه یې د لا زیاتو همکاریو غوښتنه وکړه.
د يادونې وړ ده، چې ياده غونډه د کابل د کرنې رياست سره د بېلابېلو دولتي سکټورونو او همکارو بنسټونو د استازو په ګډون جوړه شوې وه او د فعاليتونو پر لا زياتې همغږۍ هم خبرې وشوې.
