د زعفرانو د ملي ټولنې مرستيال د پکتيا ولايت له زعفرانو کارانو سره وکتل
۲۵ زمری ۱۴۰۱ه.ش
۱۸ محرم الحرام ۱۴۴۴ ه.ق
د پکتيا ولايت د کرنې، اوبولګولو او مالدارۍ رياست په مقام کې د زعفرانو د ملي ټولنې مرستيال د پکتيا ولايت له زعفرانو کارانو سره په ليدنه کې د زعفرانو په بازار موندنه خبرې وکړې.
په دغه ليدنه کې د زعفرانو د ملي ټولنې مرستيال وويل، چې د دوی ملي ټولنه د زعفرانو لپاره د بازار موندنې په برخه کې هلې ځلې کړي او په کافي اندازه بازار يې ورته پيداکړئ، نوموړی له زعفرانو کارنو وغوښتل، چې د خپلو محصولاتو د پلور پر وخت کې دې له يادې ټولنې سره په اړيکه کې شي.
د پکتيا د کرنیزو چارو آمر ښاغليدی مومند خروټي په خپلو خبرو کې وويل، چې زعفران يو اقتصادي صنعتي نبات دی، نوموړي له زعفران کارانو وغوښتل، چې د ياد بوټي د زيات ترويج په برخه کې خپلې هڅې لا ګړندۍ کړي.
په همدې حال کې د پکتيا د ځنګلونو او طبيعي سرچينو آمر ښاغلي مولوي احسان الله احسان په خپلو خبرو کې وويل، چې دپکتيا د کرنې رياست شته امکاناتو ته په کتو د زعفرانو کارانو سره هر ډول همکارۍ ته ژمن دی.
