کاپیسا کې سږکال د شړشمو اته ننداریزې کروندې جوړې شوي دي
۳ کب ۱۳۹۹
د کاپیسا د کرنې ریاست وایي، چې سږکال ددې ولایت په مرکز محمودراقي او د نجراب او لومړی حیصې ولسوالیو کې د ۶۹زره او ۴۰۰ افغانیو په لګښت د شړشمو اته ننداریزې کروندې جوړې شوي دي. دغه راز د کاپیسا ولایت په مرکز محمود راقي او دیاد ولایت د کوهستان لومړی حیصې او دویمې حیصې، کوه بند نجراب، تګاب اواله سای ولسوالیو کې د ۱۹۶ زره او ۶۵۰ افغانیو په لګښت د غنمو ۳۰ ننداریزې کروندې هم جوړې شوي دي.
باید وویل شي، چې د غنمو د یادو ننداریزو کروندو په هره کرونده کې ۲۰ بزګرانو د کتار په ډول د غنمو دکرکېلي په برخه کې روزنه ورکړل شوي دي.
