د غزني ولایت د کرنې ریاست چارواکو د قوریهدارانو ټولنې غړو سره غونډه ترسره کړه
۱۱ کب ۱۴۰۴ه.ش
۱۳ رَمَضانُ المُبارَک ۱۴۴۷ه.ق
دغزني ولایت د کرنې، اوبو لګولو او مالدارۍ ریاست چارواکو او د قوریهدارانو ټولنې غړو ترمنځ د یاد ریاست په مقر کې غونډه ترسره شوه. په دې غونډه کې د نیالګیو د بیو ټاکلو، په قوریو کې د موجودو نیالګیو د شمېر ارزونې او د قوریهدارانو د ستونزو په اړه بحث او د نظر تبادله وشوه.
قوریهدارانو د کرلو لپاره د چمتو نیالګیو د ډولونو او شمېر په اړه معلومات وړاندې کړل او خپلې ستونزې یې لکه د اوبو کمښت، د تولید د لګښتونو زیاتوالی، د مناسب بازار نشتوالی او د تخنیکي ملاتړ اړتیا مطرح کړې.
د غزني د کرنې ریاست چارواکو د مناسبې بیې ټاکلو او معیاري نیالګیو د برابرولو پر اهمیت ټینګار وکړ او ژمنه یې وکړه، چې د امکاناتو په چوکاټ کې به د ستونزو د حل لپاره هڅې وکړي.
غونډه د کرنې ریاست او د قوریهدارانو ټولنې ترمنځ د لا زیاتې همغږۍ او همکارۍ پر ټینګار سره پای ته ورسېده
