د کرنې وزارت ویاند دهرات په ولایت کې د غواساتنې له فارمونو څخه لیدنه وکړه
۲۸ لړم ۱۴۰۴ هـ.ش
۲۸ جُمَادَى الأول ۱۴۴۷ هـ.ق
د کرنې، اوبو لګولو او مالدارۍ وزارت د اطلاعاتو او عامه پوهاوي رییس مولوی شیرمحمد حاتمي، هرات ولایت ته د خپل سفر په ترڅ کې، د غوا فارمونو له فعالیتونو لیدنه وکړه.
په دې لیدنه کې د هرات د غوا ساتنې فارمونو د ټولنې رییس غلاممحمد امیري، او د هرات د کرنې ریاست د مالدارۍ او حیواني روغتیا آمر مولوي عمر قاصد، هم حضور درلود.
د غوا ساتنې ټولنې مسؤول د زرګونو فارمونو د فعالیتونو او د هغوی د ورځني شېدو تولید په اړه معلومات وړاندې کړل او زیاته یې کړه، چې د دغو فارمونو محصولات د کورني بازار ترڅنګ نورو ولایتونو ته هم لېږدول کېږي.
د کرنې، اوبو لګولو او مالدارۍ وزارت ویاند مولوی شیرمحمد حاتمي، د سیمه ییزو تولیدوونکو د ملاتړ او د لبنیاتو د محصولاتو د کیفیت د لوړولو پر اهمیت ټینګار وکړ، او ویې ویل، چې د کیفیت لوړوالی به د مالدارانو په ګټه او عاید کې د پام وړ زیاتوالی رامنځته کړي.
