پکتیا کې د شاتو مچیو ټولنو سره د همغږۍ غونډه ترسره شوه

۵ چنګاښ ۱۴۰۴ ه‍.ش
۲۹ ذُو الحِجَّةِ ۱۴۴۶ه‍.ق 
د پکتیا ولایت د کرنې، اوبولګولو او مالدارۍ ریاست په نوښت، ددې ولایت په مرکز ګردېز ښار کې د شاتو مچیو پالونکو ټولنو سره د همغږۍ غونډه ترسره شوه.
په دې غونډه کې د پکتیا مرستیال والي الحاج شیخ انعام الله صلاح الدین، د کرنې رییس الحاج مولوي سید امین هاشمي، د پکتىا امنیه قوماندان مولوي محمد عمر مخلص، د پکتىا ولایت داستخباراتو رییس، د صنعت او سوداګرۍ رییس مولوي امداد الله، د افغانستان د مچیو روﺯونکو ټولنې رییس شاه جهان مبارﺯ، د کډوالو رییس مولوي حبیب الله، د ننګرهار، لوګر او خوست ولایتونو څخه دمچیو روﺯونکو د ټولنې رئیىسانو د افغانستان د شاتو د مچیو پالنې له بېلابېلو ټولن، د شاتو د تولید برخې متخصصینو او د نورو ادارو مسؤلینو او استازو ګډون کړی وو. 
ددې غونډې موخه یې د شاتو د تولید کچې لوړول، د مچیو د ساتنې لپاره غوره میتودونه معرفي کول، او د بازارموندنې په برخه کې د همغږۍ رامنځته کول وو.
د پکتیا د کرنې رییس مولوي سید امین هاشمي د غونډې ګډونوالو ته د ښه راغلاست ترڅنګ وویل: « شات زموږ د ولایت یو مهم طبیعي محصول دی، چې نه یوازې د خلکو د اقتصاد ملاتړ کوي، بلکې روغتیا ته هم زیاتې ګټې لري. موږ هڅه کوو چې د شاتو مچیو پالونکو ته د روزنې، اسانتیاوو او بازار موندنې په برخو کې لا زیاتې اسانتیاوې برابرې کړو».
ورپسې د پکتیا مرستیال والي الحاج شیخ انعام الله صلاح الدین وویل، موږ ژمن یو چې د شاتو د مچیو پالونکو ملاتړ ته دوام ورکړو، دوی ته د اسلامي ارزښتونو، عصري روزنې او اقتصادي ودې له لارې پیاوړی چاپېریال برابر کړو.
د افغانستان د مچیو روﺯونکو ټولنې رییس شاه جهان مبارﺯ د شاتو مچیو پالونکو د ستونزو، وړاندیزونو او لاسته راوړنو په اړه هر اړخیزه خبرې وکړې او له اړوندو ادارو یې د دوامداره ملاتړ غوښتنه وکړه.
د غونډې په پای کې پرېکړه وشوه، چې د شاتو مچیو د پالونکو لپاره به د عملي زده کړو ورکشاپونه جوړ شي، د بازار موندنې زمینه به پراخه شي، او د شاتو د کیفیت د لوړوالي لپاره به مشخص پلانونه عملي شي.