۱۳۹۹یم مالي کال کې د پکتیکا د کرنې ریاست لویې لاسته رواړنې

۲۶ تله ۱۳۹۹
د پکتیکا د کرنې، اوبولګولو او مالدارۍ د ودې او پراختیا په پار په ۱۳۹۹یم مالي کال کې یاد ولایت ته ۶۹ میلیونه او ۸۷۳ زره او ۵۴۷ افغانۍ پراختیایي بودیجه ځانګړې شوې وه، چې په بېلابېلو پراختیایي برخو له ډلې کرنې، بڼوالۍ، مالدارۍ، اوبولګولو، دطبیعي سرچینو مدیریت، د غنمو او زعفرانو ننداریزې قطعې جړول، له حیواني او نباتي افتونو سره مبارزه، مصنوعي القاح له لارې د څارویو د نسل اصلاح او د کرنې او مالدارۍ د نویو لارو چارو د دودولو په برخه کې پراخ فعالیتونه تر سره شوي دي.
دغه ریاست تر دې دمه د خپل پراختیایي بودیجې شاوخوا ۸۵ سلنه لګولې ده، چې ۵۰۰ کسان په نېغه او څه باندې ۱۱ زره کسان په نانېغه توګه له دغو فعالیتونو برخمن شوي دي.
کروندګرو او بڼوالو لپاره یوزر او ۶۰۰ جریبه بېلابېل مېوه لرونکي او ۲۵ جریبه متراکم بڼونه جوړول، د اوبولګولو په برخه کې بزګرانو ته په عملي ډول لارښوونې، د مالدارۍ په اوو اسټیشنونو کې مصنوعي القاح تر سره کول، څارویو ته د بروسلوز واکسین کول او د حیواي او کرنیزو درملتونونو څارنه په ۱۳۹۹یم کال کې ددې ریاست نورې کړنې دي.