پکتیا کې پر یوشمېر بڼوالو د تورو سرو د وېش لړۍ پیل شو

mail-admin
دوشنبه ۱۳۹۸/۴/۳۱ - ۱۶:۱۵
 پکتیا

۳۱ چنګاښ ۱۳۹۸
د پکتیا ولایت پر یو زر او ۴۳۲ بڼوالو چې د کرنې، اوبولګولو او مالدارۍ وزارت اړوند د بڼوالۍ او مالدارۍ ملي برنامې «NHLP» لخوا ورته د مېوو یو زر او ۴۳۲ جریبه نوی بڼونه جوړشوي دي، د دوی د بڼونو د نیالګیو د ښې ودې په پار ۲۹ ټنه توره سره «DAP» وېشل کیږي.
د پکتیا دکرنې رییس انجنیر محمد دین مومند وایي، چې په دې لړۍ کې د پکتیا د مرکز ګردیز په ګډون د ۱۴ ولسوالیو پر هغو بڼوالو توره سره وېشل کیږي، چې د کرنې ریاست له خوا دوی ته د مېوو یو زر او ۴۳۲ جریبه نوی بڼونه جوړ شوي دي.
ښاغلي مومند وایي چې، د کرنې، اوبولګولو او مالدارۍ وزارت د بڼوالۍ او مالدارۍ ملي برنامې لخوا د تېر مني او سږ پسرلي موسم کې په دې ولایت کې یو زر او ۴۳۲ جریبه د مېوو نوي بڼونه جوړ شوي دي، چې د دغو بڼونو د ښې ودې په پار پر اړوندو بڼوالو توره سره وېشل کيږي.
دغه سره پر هغو بڼوالو وېشل کیږي چې، د کرنې وزارت د بڼوالۍ او مالدارۍ ملي برنامې «NHLP» له خوا ورته د مېوو بڼونه جوړ شوي دي.
د یادونې وړ ده چې، په دې ولایت کې د کرنې، اوبولګولو او مالدارۍ وزارت د بڼوالۍ او مالدراۍ ملي برنامې ترچتر لاندې بڼوالو ته د بڼوالۍ اړوند بېلابېل روزنې هم ورکړل شوي دي.

تازه ترین اخبار

شنبه ۱۴۰۵/۸/۳۰ - ۱۶:۱۳
Background image

ننګرهار کې ۱۰۰ تنو د ستروسو او سبو پروسس کوونکو ته د ۲.۶ میلیونه افغانیو په ارزښت وسایل ووېشل شول

۳۰ لړم ۱۴۰۵ هـ.ش
۱۰ جُمَادَى الثانی ۱۴۴۸ هـ.ق
د ننګرهار ولایت د کرنې، اوبو لګولو او مالدارۍ ریاست په هڅو، د «ډاکار» مؤسسې په تخنیکي همکارۍ او د ملګرو ملتونو د نشه‌یي توکو او جرمونو سره. . .

چهارشنبه ۱۴۰۵/۸/۶ - ۱۱:۵
Background image

نورستان کې سلګونو اړمنو بزګرانو ته د اصلاح شویو تخمونو او کیمیاوي سرو د وېش لړۍ پیل شوه

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د نورستان ولایت د کرنې، اوبو لګولو او مالدارۍ ریاست په همغږۍ، د خوړو او کرنې نړۍوالې ادارې «اف‌اې‌او» په مالي ملاتړ او د «اې‌وای‌اس‌او» مؤسسې. . .

چهارشنبه ۱۴۰۵/۸/۶ - ۹:۳۰
Background image

ننګرهار کې د غنمو ننداریزو کروندو لپاره اصلاح شوي تخمونه او کیمیاوي سرې ووېشل شوې

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د ننګرهار د کرنې، اوبو لګولو او مالدارۍ ریاست په تخنیکي همکارۍ او د کرنې وزارت په مالي ملاتړ، د دغه ولایت په اوو ولسوالیو کې د غنمو ننداریزو. . .

بازگشت