میدان وردګو ولایت کې د څارویو د پوستکي ناروغۍ پر وړاندې د واکسینو کمپاین پیل شو
۳۱ وږی ۱۴۰۱ه.ش
۲۵صَفَرالمظفّر ۱۴۴۴ ه.ق
دکرنې، اوبولګولو او مالدارۍ وزارت د ملګرو ملتونو د خوړو او کرنې ادارې "FAO" په همکارۍ د مالدارانو د ملاتړ او د څارويو د پوستکي ناروغۍ(lumpy skin Disease) د وقايې او مخنيوی په پار د هېوا په پنځو ولایتونو کې د یادې ناروغۍ پر وړاندې د واکسینو کمپاین پیل کړی دی.
ددې کمپاین په لړکې د میدان وردګو په ولایت کې هم د څارویو د پوستکي ناروغۍ پر وړاندې د واکسینو کمپاین پیل شوی دی، چې په لومړي پړاو کې ۳۰۰۰ زره ډوزه واکسين میدان وردګود سیمه ییزو وټرنرانو واحدونو ته توزیع شو چې، لومړی پړاوکې مرکز میدان، نرخ جلریز او سید اباد کې د وترنر د ساحوی واحدونو د لار په مربوط ولسوالیوکې غواگانو او خوسکیو ته د ۲۰ افغانیو فیس په مقابل کې ورکول کېږي.
باید وویل شي، جې دا واکسین به هغو غواګانو او خوسکیو ته ورکول کېږي، چې واکسین شوی نه وی، دا ناروغۍ یې نه وي تېر کړئ او اوسمهال په ناروغۍ اخته نه وي.
