فراه کې ۲۵ اړمنو کورنیو ته د چرګانو واړه فارمونه جوړ شول
۳ وږی ۱۴۰۳ه.ش
۲۰صَفَر المُظَفَّر ۱۴۴۶ه.ق
د فراه د کرنې، اوبولګولو او مالدارۍ ریاست له خوا ددې ولایت ۲۵ کورنیو بې ځایه شویو ته د دوی د اقتصادي پیاوړتیا په پار د چرګانو واړه فارمونه جوړ شوي دي.
د فراه دکرنې، اوبولګولو او مالدارۍ ریاست د چاراکو په خبره هرې ګټې اخیستونکې کورنۍ ته ۱۰قطعې کورني چرګان، د چرګانو دانه، درمل، دانه خوري او ابخوري ورکړل شوي دي.
دفراه دکرنې ریاست چارواکي وایي، چې د چرګانو د ورکړي موخه په کور دننه بېوزله کورنیو ته د کار زمینه برابرول دي؛ ترڅو د خوړو خوندیتوب رامنځته او کورنۍ پر ځان بسیا شي.
دغه راز یادو کورنیو ته د چرګانو پاللو، ناروغیو مخنیوی د واکسینونو تطبیق کولو او ګڼو نورو برخو کې روزنه هم ورکول کېږي.
ددغو مرستو موخه په دې ولایت کې د چرګانو روزنې صنعت ته پیاوړتیا ورکول او د بېوزله او کونډو مېرمنو اقتصادي ودې ته په کور دننه زمینه برابرول دي.
