د کندهار په لرو پرتو ولسوالیو کې ۷۰ بزګرانو ته د زعفران تخمونه وېشل کېږي

mail-admin
سه‌شنبه ۱۴۰۴/۵/۱۴ - ۱۱:۳
د کندهار په لرو پرتو ولسوالیو کې ۷۰ بزګرانو ته د زعفران تخمونه وېشل کېږي

۱۴ زمری ۱۴۰۴ هـ.ش
۱۱ صَفَر المُظَفَّر ۱۴۴۷ هـ.ق
د کرنې، اوبو لګولو او مالدارۍ وزارت له خوا د کندهار ولایت د نېش، غورک، میانېشین، خاکریز او معروف ولسوالیو ۷۰ تنه مستحق بزګرانو ته د زعفران د کرنې د ودې او پراختیا په موخه د زعفران نبات تخمونه وېشل کېږي.
د کندهار د کرنیزو چارو آمر مولوي شمس‌الرحمن موسا وایي، چې د تخمونو د وېش لپاره د کندهار کرنې ریاست او ګډ پلاوي له خوا د بزګرانو د نوم‌لیکنې پروسه په شفاف ډول بشپړه شوې او مستحق کسان غوره شوي دي. ټاکل شوې ده، چې د یادو ولسوالیو هرې یوې کې ۱۴ تنه بزګرانو ته تخمونه ورکړل شي.
دا مرسته د بدیل معیشت (د کوکنارو بدیل) پروګرام برخه ده، چې موخه یې د زعفران کرنې ته وده ورکول، د وچکالۍ په وړاندې مقاومت لرونکی نبات معرفي کول، د بزګرانو اقتصادي ملاتړ، او د نویو بدیلو کښتونو دودول دي.
د یادونې ده، چې څه باندې یوه میاشت وړاندې هم، د کرنې وزارت په مالي ملاتړ او د کندهار کرنې ریاست تر رهبرۍ لاندې، د کندهار په درېیو ناحیو کې ۲۰ تنه بزګرانو ته د جوارو اصلاح شوي تخم، کیمیاوي سرې او نغدې مرسته وېشل شوې وه، ترڅو د کرنیزو چارو د پراختیا لپاره عملي ګامونه پورته شي.

تازه ترین اخبار

یکشنبه ۱۴۰۴/۶/۹ - ۱۵:۲۹
Background image

پنځو ولایتونو کې بزګرانو څخه د ۲۱ زره او ۴۰۰ متریک ټنه اضافي غنمو د پیرودلو بهیر بشپړشو

۹ وږی ۱۴۰۴ هـ.ش
۷ رَبِیعُ الْأَوَّل ۱۴۴۷ هـ.ق
د افغانستان اسلامي امارت د کرنې، اوبولګولو او مالدارۍ وزارت له لوري د بلخ، هرات، تخار، کندز او بغلان ولایتونو له کروندګرو څخه د ۲۱ زره او. . .

یکشنبه ۱۴۰۴/۶/۹ - ۱۵:۲۹
Background image

د کرنې وزارت د اراضۍ رياست لخوا کډوالو او بېرته راستنېدونکو چارو وزارت ته ځمکه ولېږدول شوه

۹ وږی ۱۴۰۴ هـ.ش
۷ رَبِیعُ الْأَوَّل ۱۴۴۷ هـ.ق
د کرنې، اوبولګولو او مالدارۍ وزارت د اراضۍ ریاست کې جوړه شوې غونډه کې، چې د اراضۍ ریاست د ځمکو د انتقال او وېش رییس مولوي سید محمد سعيد او. . .

یکشنبه ۱۴۰۴/۶/۹ - ۹:۱۹
Background image

د کندهار وچ انځر د نړۍوالو بازارونو پر لور؛ لومړی ځل هند ته ۱۰۰ ټنه صادرات

۹ وږی ۱۴۰۴ هـ.ش
۷ رَبِیعُ الْأَوَّل ۱۴۴۷ هـ.ق
سږکال د لومړي ځل لپاره له کندهار ولایت څخه هند هېواد ته د ۷۰۰ زره امریکایي ډالرو په ارزښت ۱۰۰ ټنه وچ انځر صادر شو. دا د افغانستان د کرنیزو. . .

بازگشت