د پکتیا مرکز ګرديز کې د کانګو تبې د مخنیوی په موخه کمپاین پیل شو

۱۵ چنګاښ ۱۴۰۱ ه‍.ش
۷ ذوالحجَّة ۱۴۴۳ ه‍.ق
د پکتیا ولایت دکرنې، اوبولګولو او مالدارۍ ریاست له خوا ددې ولایت په مرکز ګردیز کې د کانګو تبې «CCHF» د مخنیوی په موخه کمپاین پیل شوی دی.
د پکتیا د مالدارۍ امر کبیر اسلمي وویل، چې د دې کمپاین په لړ کې به د پکتیا ولایت څاروي، د څارویو د اوسیدلو ځایونه (غوجلې) او د څارویو منډهي دواپاشي کېږي او ترڅنګ یې مالدارانو ته د حفظ الصحې په هکله معلومات هم ورکول کېږي ترڅو دیادې ناروغۍ دمخنیوي په موخه ورڅخه ګټه پورته کړي. د دې ترڅنګ د کانګو تبې د مخنیوی په موخه ددې لایت خلکو ته د اختر درارسېدو سره سم عامه پوهاوی هم ورکول کېږي.
د کانګو تبه یو وېروسي ناروغي ده، چې د حشرو، کنو او خځندو او یا هم د څارویو لخوا انسانانو ته لېږدي. د غه تبه په څارویو او انسانانو کې یوه ګډه ناروغي ده، چې ډېری وخت له څارویو څخه انسانانو ته لېږدول کېږي او کله نا کله د انسانانو د مړینې لامل هم کېږي.