د ننګرهار نازیانو کې لس کیلو متره سړک بیاورغول شوه
۲۹ چنګاښ ۱۴۰۱ ه.ش
۲۱ ذوالحجَّة ۱۴۴۳ ه.ق
د ننګرهار دکرڼې، اوبولګولو او مالدارۍ ریاست وایي، چې ددې ولایت د نازیانو په ولسوالی کې د کار په بدل کې د غنمو د ورکړې پروژې لخوا 13 کیلو متره سړک رغول شوې وه، چې په تېرو اورښتونو کې د سېلابونو د راوتلو له امله د لس کیلو متره سړک ځینې برخې تخریب شوې وې، چې د نازیانو ولسوالی ۳۲۷ په هېواد مین او زیارکښو ځوانانو کسانو له خوا له کوم امتیاز پرته د حشر په ډول تخریب شوې سړک بیا ورغول شوه او د موټرو د تګ راتګ پر مخ خلاص شو.
ددې سړک په بیارغونې سره د یادې ولسوالۍ د دېر شمېر کلیو ټرانسپورتې ستونزې هوارې شوي دي.
دا چې په دغه ولسوالی کې پرمختیایي کارونه ډېر کم ترسره شوي، د ولسوالی اوسیدونکې د افغانستان اسلامي امارات او خیره موسساتو څخه غوښتنه لري تر څو د نازیانو ولسوالی ته پوره پاملرنه وکړي او پرمختیایي پروژې پکې پلي کړي.
