د ننګرهار دکرنې رییس د ځنګلونو ساتنې او بیارغونې په پار د یوشمېر ولسوالیو له چارواکو او قومي مشرانو سره وکتل
۱۹ لړم ۱۴۰۳ه.ش
۷ جُمَادَى الأول ۱۴۴۶ه.ق
د ننګرهار د کرنې، اوبولګولو او مالدارۍ رییس مولوي محمدولي محسن او د ځنګلونو د ساتنې او بیارغونې کمېټې نورو مسؤلینو د ننګرهار د ځنګل لرونکو ولسوالیو له ولسوالانو،مرستیالانو،استخباراتو مدیرانو او قومي مشرانو سره د ځنګلونو ساتنې، ارزښت او بیا رغولو په پار جلا جلا ناستې او خبرې اترې وکړې.
د ننګرهار د کرنې رییس وویل، چې د کرنې وزارت هدایت سره سم ییې په ننګرهار کې ځنګل لرونکو ولسوالیو ته د شته ځنګلونو ساتلو، بیارغولو او ستونزو په نښه کولو په موخه سفرونه وکړل.
نوموړې وویل، چې د یادو ولسوالیو د ولسونو ستونزې، غوښتنې او وړاندیزونه به د کرنې وزارت مقام مشرتابه او نورو مسؤلینو سره دحل په موخه شریکه کړي.
ننګرهار په یوولسو ولسوالیو کې ځنګلونه لري، چې تېرو څو لسیزو جنګ جګړو ورته ستر زیان اړولي، نو دې برخې ته باید جدي پاملرنه وشي.
