د ملګرو ملتونو دخوړو سیسټمونو غونډه کې د کرنې وزیر ګډون

mail-admin
دوشنبه ۱۴۰۰/۵/۴ - ۱۶:۳
د ملګرو ملتونو دخوړو سیسټمونو غونډه کې د کرنې وزیر ګډون

۴ زمری ۱۴۰۰
د کرنې، اوبولګولو او مالدارۍ وزیر ډاکټرانوارالحق احدي د افغانستان په استازیتوب، د ملګرو ملتونو دخوړو سیسټومونو (UNFSS) په غونډه کې، چې په مجازي ډول په لاره اچول شوې وه ګډون او خبرې وکړې.
په دې غونډه کې د افغانستان په ګډون، ۱۱۱ هېوادونه ګډون کړي و.
په یاده غونډه کې دکرنې وزیر ډاکټر انوارالحق احدي د لوږې کړکېچ له منځه وړولو په پار د ملګرو ملتونو د تلپاتې پرمختیا ۱، ۲ او ۱۲ موخوته په اشارې سره وویل، چې ددې کړکېچ د له منځه وړولو په پار تر ۲۰۳۰ ام کال پورې جدي هلو ځلو ته اړتیا شته.
ښاغلی احدي دغه راز وویل، چې اوسمهال په ټوله نړۍ کې، میلیونونه کسان د خوړو له کمښت سره مخ دي او افغانان د خوړو نه خوندیتوب په لومړۍ کرښه کې دي. هغه د افغانستان خلکو ته د تلپاتې او متعادل خوړو تأمین د افغانستان دولت له لومړیتوبونو وبلل.
دکرنې وزیر وویل، چې په افغانستان کې د وچکالۍ او جګړو له وجې د بېوزلۍ او د خوړو نه خوندیتوب کچې د لوړېدا شونتیا شته، له همدې امله او ددې لپاره، چې افغانستان یو کرنیز هېواد دی، دکرنې د ودې او خوړو خویتوب په پار د سولې پر تأمین ټینګار وکړ.
په همدې حال کې دکرنې وزیر وویل، چې دکرنې وزارت د کرنې د ونوې کولو په حال کې ده، چې په لرو پرتو سیمو کې د بېوزلۍ د کچې په ټیټولو کې مرسته کوي. هغه په دې برخه کې د اصلاح شویو تخمونو وېش او د بڼوالۍ نویو لارو چارو دودولو ته اشاره وکړه.
دکرنې وزیر ډاکټر انوارالحق احدي وویل، چې د خوړو خوندیتوب د اطمینان په پار افغانستان، د خوړو خپلواکه اداره جوړه کړې ده.
د کرنې وزیر دغه راز وویل، چې د افغانستان دولت خپلو هېوادولو لپاره سالم او مناسبو خوړو تأمین ته ژمن دی او د خوړو اسټانډارډ کولو په پار، د نړیوالې ټولنې د همکاریو غوښتنه وکړه. هغه دغه راز له ملګرو ملتونو، د دوی موسسې، له ټولو پرمختیایي همکارانو، څېړنیزو موسسو او پوهنتونونو او نړیوالې ټولنې څخه وغوښتل، چې له افغانستان سره دې خپل مالي او تخنیکي ملاتړ ته دوام ورکړي، ترڅو راتلونکې ۱۰ کلن ليدلوری ترسیم او اسټنډرډ خواړه تأمین شي.

 

تازه ترین اخبار

شنبه ۱۴۰۵/۸/۳۰ - ۱۶:۱۳
Background image

ننګرهار کې ۱۰۰ تنو د ستروسو او سبو پروسس کوونکو ته د ۲.۶ میلیونه افغانیو په ارزښت وسایل ووېشل شول

۳۰ لړم ۱۴۰۵ هـ.ش
۱۰ جُمَادَى الثانی ۱۴۴۸ هـ.ق
د ننګرهار ولایت د کرنې، اوبو لګولو او مالدارۍ ریاست په هڅو، د «ډاکار» مؤسسې په تخنیکي همکارۍ او د ملګرو ملتونو د نشه‌یي توکو او جرمونو سره. . .

چهارشنبه ۱۴۰۵/۸/۶ - ۱۱:۵
Background image

نورستان کې سلګونو اړمنو بزګرانو ته د اصلاح شویو تخمونو او کیمیاوي سرو د وېش لړۍ پیل شوه

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د نورستان ولایت د کرنې، اوبو لګولو او مالدارۍ ریاست په همغږۍ، د خوړو او کرنې نړۍوالې ادارې «اف‌اې‌او» په مالي ملاتړ او د «اې‌وای‌اس‌او» مؤسسې. . .

چهارشنبه ۱۴۰۵/۸/۶ - ۹:۳۰
Background image

ننګرهار کې د غنمو ننداریزو کروندو لپاره اصلاح شوي تخمونه او کیمیاوي سرې ووېشل شوې

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د ننګرهار د کرنې، اوبو لګولو او مالدارۍ ریاست په تخنیکي همکارۍ او د کرنې وزارت په مالي ملاتړ، د دغه ولایت په اوو ولسوالیو کې د غنمو ننداریزو. . .

بازگشت