د خوست قلندر کې لسګونه مالداران او بزګران روزل کېږي
۱۳ لېندۍ ۱۴۰۳ه.ش
۲ جُمَادَى الثاني۱۴۴۶ه.ق
د خوست دکرنې، اوبولګولو او مالدارۍ ریاست د اړیکو دفتر په همکارۍ ددې ولایت د قلندر ولسوالی ۱۰۵ مالدارانو ته د مالدارۍ اړوند په بېلابېلو برخو کې روزنیز پروګرامونه په لاره اچوي.
دغه روزنیز پروګرامونه چې اته ورځې به دوام وکړي، په ترڅ کې به یې یادو مالدارنو ته د مالدارۍ اړوند په بېلابېلو برخو کې عملي او نظري زده کړې ورکړل شي.
بلخوا ددې ولایت د قلندر ولسوالی ۴۵ بزګرانو ته د کچالو د کرکیلې په برخه کې هم روزنه ورکول کېږي، چې وروسته به پر یادو بزګرانو د کچالو تخم او کیمیاوي سرې هم ووېشل شي.
ددغو پروګرامونو د پلي کولو موخه د مالدارانو او بزګرانو ړتیاوې لوړول او د دوی اقتصادي ودې ته زمینه برابرول دي.
