خوست کې د لوبیا او جوارو ننداریزې کروندې جوړېږي
۱۴ چنګاښ ۱۴۰۱ ه.ش
۶ ذوالحجَّة ۱۴۴۳ ه.ق
د خوست دکرنې، اوبولګولو او مالدارۍ ریاست د «ADA» مؤسسې په همکارۍ ددې ولایت د مرکز اړوند لکڼو سیمه کې د لوبیا او جوارو ننداریزې کروندې جوړوي.
ددغو ننداریزو کروندو د جوړولو موخه، په مسلکي بڼه د جوارو او لوبیاو دکرکېلي دودول دي.
د خوست دکرنې ریاست وایي، هڅه کوي، چې په دې ولایت کې دودیزه کرکېله په مسلکي کرکېله بدله کړي، ترڅو بزګران د پام وړ حاصلات تر لاسه او اقتصادي ودې ته یې زمینه برابره شي.
