د کندهار د ځمکې غصب مخنیوی کمېټې پلاوی د سرحدونو او قبایلو چارو رییس سره وکتل
د کندهار د ځمکې غصب مخنیوی او غصب شویو ځمکو تخنیکي کمېټې پلاوی ددې ولایت د سرحدونو او قبایلو چارو رییس سره وکتل.
ددې لیدنې په ترڅ کې د کندهار د ځمکې غصب مخنیوی او غصب شویو ځمکو تخنیکي کمېټې پلاوی رییس مولوی محمود مظلوم او د تخنیکي پلاوي غړي شتون درلود.
د دې لیدنې موخه د کندهار ښار د پنځمې ناحیې او د دامان ولسوالی ترمنځ د ګچ خانو سیمه وه، چې کوچیانو پر خپل سر پر دغه ځمکه باندې ودانیزې چارې ترسره کړي ؤ.
په دې ناسته کې د کندهار د ځمکې غصب مخنیوی او غصب شویو ځمکو تخنیکي کمېټې پلاوی رییس مولوی محمود مظلوم د سرحدونو او قبایلو چارو رییس او د کوچیانو ملکانو ته د یادې ځمکه په هکله پوره معلومات وکړل، مولوي مظلوم وویل: زیاده ځمکه امارتي ( دولتي) ځمکه ده او هیڅوک حق نه لري، چې په یاده ځمکه کي ودانیزې او یا نورو کارونه ترسره کړي.
مولوي مظلوم د کوچیانو ملکانو ته وویل په یاده ځمکه کي مو چې کوم کارونه ترسره کړی دي پر خپله خوښه یي ونړوي او له منځه یي یوسئ.
په دې لیدنه کې د سرحدونو او قبایلو چارو رییس د کندهار د ځمکې غصب مخنیوی او غصب شویو ځمکو تخنیکي کمېټې پلاوی کارونه وستایل او د پوره همکاریو ژمنه یي وکړه.
د یادولو وړ ده چي د کوچیانو ملکانو هم ژمنه وکړل چې په یاده ځمکه کې یې خود سرانه کارونه ترسره کړي دي له منځه به یې وړي او نوی کارونه به نه ترسره کوي.
