د کندهار پنجوایي کې د استنادي دېوالونو چارې بشپړ او ګټې اخیستنې ته وسپارل شول
د کندهار دکرنې، اوبولګولو او مالدارۍ ریاست وایي، چې ددې ولایت پنجوایي ولسوالی کې، د افغان پرمختیایي مؤسسې په همکارۍ داستنادي دېوالونو جوړولو چارې بشپړ او ګټې اخیستنې ته وسپارل شول.
په دې اړه جوړه شوې غونډه کې د پنجوایي ولسوالی ولسوال ملا عبدالخالق هارون، د پنجوایي امنیه قومندان مولوی محمد سلیم،د کندهار دکلیو د بیارغونې او پراختیا رییس ملا عبدالجبار حکمت، دکندهار دکلیو چارو ریاست مرستیال مولو عابد د پنجوایي د کلیو د بیارغونې او پراختیا ریاست مدیر محمد ادریس خبیب آغا، د پنجوایي ولسوالی د کلیو چارو تنظیم مدیر حذیفه مولوی، د پنجوایي ولسوالی دکرنې مدیر ملا شېر محمد ضیاء، د پنجوایي د احصایې او راپورورکونې مدیر قاري ولي محمد مدثر او یوشمېر نورو چارواکو ګډون درلود.
په غونډه کې یادو چاراکو پر بېلابېلو موضوعاتو دخبرو اترو ترڅنګ په دې ولسوالی کې د لا ډېرو پراختیايي پروژو د پلي کولو غوښتونکي شول.
د دغو پروژو په پلي کولو کې یوشمېر کسانو ته د کار زمینې برابرولو ترڅنګ سلګونه جریبه ځمکه د خړوبولو تر پوښښ لاندې راغلي دي او د اوبو له ګواښ څخه ژغورل شوي دي.
دیادو پروژو د رغولو موخه د اوبو مدیریت او د بزګرانو ګروندو ته پر وخت د اوبو رسول او د دوی د کورونو او کروندو خوندیکول ښودل شوی دي.
